Chapter 150

Napatda sa kanyang kinatatayuan si Xavien ng datnan niya na magkayakap si Miles at Harry. Habang ang dalaga ay umiiyak sa dibdib ng kanyang kaibigan. Sa isang iglap ay nagdilim ang kanyang paningin, na para bang wala na siyang ibang nakikita kundi ang dalawang tao sa kanyang harapan.

“Pinatawad na ba ni Miles si Harry? Nagkabalikan na ba ang dalawa? N-No! Hindi ako papayag! Miles is mine!” Anya ng isang galit na tinig mula sa kanyang isipan habang ang mga kamao nito ay nanginginig mula sa mahigpit na pagkakakuyom. Tuluyang sumabog sa galit si Xavien ng makita niya na hinalikan ni Harry ang kanyang nobya. Malaki ang mga hakbang na lumapit siya sa mga ito. Walang salita na hinaklit niya sa balikat ang kanyang kaibigan.

Sa pagpihit ng mukha nito paharap sa kanya ay isang malakas na suntok ang ibinigay niya dito. Humandusay sa sahig ang nagulat na si Harry, nahilo ito sa lakas ng suntok at sinubukan niyang makatayo ngunit hindi na siya nabigyan pa ng pagkakataon. Dahil magkasunod na sun