Chapter 134

Natigil ang akmang paglabas ko ng bahay nang marinig ko mula sa loob ng kwarto ng aking kapatid ang mabilis na mga yabag nito. Sinundan ito ng pagbagsak ng pintuan nang banyo. Dahil iyon lang naman ang pintuan sa loob ng kwarto nito. Nag-aalala na binuksan ko ang pintuan ng silid nito at kaagad na pumasok sa loob.

Nadatnan ko si Maurine na nasa loob ng banyo, habang patuloy na dumuduwal sa bowl at kulang na lang ay ilublob ang mukha nito sa loob ng bowl. Nag-aalala na lumapit ako sa kanya at hinagod ang likod nito. Nang mahulasan ay nagmumôg ito bago umiiyak na humarap sa akin. Nanginginig ang kanyang katawan habang pinagpapawisan siya ng malapot. Dinukot ko ang panyo sa aking bulsa at mabilis na pinunasan ang maganda nitong mukha.

Natigilan ako ng bigla siyang yumakap ng mahigpit sa akin kaya naramdaman ko ang matinding tensyon mula sa kanyang katawan. Isang malungkot na ngiti ang lumitaw sa mga labi ko, at gumanti ng yakap sa kanya. Kahit gaano pa kalaki ang galit ko sa aking kapa