Chapter 130

“Miles!” Isang malakas na boses ng lalaki ang bumasâg sa nananahimik kong diwa habang abala ako sa pagkalikôt mula sa ilalim ng sasakyan. Nagpakawala ako ng isang marahas na buntong hininga bago ko itinulak ang aking sarili kaya gumulong paalis mula sa ilalim ng kotse ang kinahihigaan kong malapad na skateboard.

“Harold, naman, ano bang problema mo at kung makasigaw ka ay parang akala moy nasa kabilang bundok ang kausap mo?” Irritable kong tanong habang tinatanggal ang suot kong gloves.

“Bro, may naghahanap sayong mga pulis, putcha, Pare, wanted ka yata! Pasensya na bro, pero sa pagkakataong ito ay hindi na muna kita kilala.” Anya ng siraulo kong kaibigan bago humakbang paatras ng dalawang beses.

“Tsk, taba ng utak mo.” Seryoso kong sabi bago ko siya nilampasan, pero ang gago sumunod din naman sa likuran ko. Ilang sandali lang ay may lumitaw na dalawang pulis sa entrance ng talyer ko.

“Miles Zephyr Ramirez.” Anya ng isang pulis habang naglalakad palapit sa akin, sa likuran nito