Chapter 1- Panloloko

“A-Ano ‘to?” nanginginig ang kamay ni Lilibeth habang nakatingin sa cellphone ng boyfriend niya.

Sunod-sunod ang luha na pumatak sa kaniyang mga mata habang naririnig ang ung0l ng dalawang taong nasa video.

Parang may itak na tumarak sa puso niya nang marinig ang matatamis na salita ni Joliever para sa babaeng kaniig nito.

Right now, pinapanood niya ang s*x video ng kaniyang boyfriend kasama ng isang hindi pa niya nakikilalang babae.

Hindi niya alam kung sino ito dahil malayo ang kuha ng video mula sa camera, at boses lang ang malinaw sa kaniya.

“Ahh, s-sarap…” Ang sabi ng boyfriend niya. “Isagad ko pa… Ahh.”

Nabitawan niya ang cellphone ni Joliever at lihim na umiyak habang pinapakinggan kung paano isigaw ng babae ang pangalan ng boyfriend niya.

“Sige pa Joliever! Sige pa!”

“Bakit Joliever? Bakit mo ‘ko nagawang lokohin? A-Anong ginawa ko para saktan mo ‘ko ng ganito?”

Basang-basa ang damit niya ngayon dahil sa lakad-takbo na ginawa niya kanina para mapuntahan niya ang boyfriend niya sa condo nito.

Hindi niya alintana kahit na malakas ang buhos ng ulan.

Dahil sa mataas na takong na suot niya kanina, ilang beses siyang nadulas dahilan ng kaniyang ilang beses na pagkakadapa. Yung paa niya ay nagkaroon ng maraming sugat at galos.

Ang bag niya ang nagpadiskitahan niyang suntukin. Gusto niyang sumabog, gusto niyang sumigaw. Gusto niyang saktan si Joliever ngayon.

Hindi niya aakalain na ang lalaking akala niya ay hindi siya sasaktan, ay siya palang dudurog sa kaniya.

Kinabukasan, nang magising si Joliever, nagulat siya nang makita niya si Lilibeth sa kaniyang tabi.

Nasa sahig ito nakaupo, nakayuko ang tuhod, at nakabaon ang ulo sa mga siko.

“B-Babe? Teka, anong ginagawa mo diyan?”

Tumayo siya para puntahan ito kahit na nahihilo pa siya dahil sa hang-over.

“Ang aga mo yata nagpunta sa condo ko. Wala ka bang trabaho ngayon?”

“Kagabi pa ako dito.”

“G-Ganoon ba? Sana ginising mo ‘ko. Sorry, nalasing ako kagabi matapos ang meeting ko with my client from Indonesia.”

Tumango lang si Lilibeth. Sa buong magdamag na puro lang siya iyak, pakiramdam niya ay namanhid na ang buong katawan niya.

Natuyo na nga rin ang damit na suot niya.

Mas lumapit pa si Joliever sa kaniya at inamoy ang kaniyang leeg. HahaIik na sana ito ng magsalita muli si Lilibeth.

“Niloloko mo ba ako Joliever?”

Napatigil si Joliever saglit.

“Ano?”

“Niloloko mo ba ako?”

Nalukot ang mukha ni Joliever. “Ano na naman ba ito, Lilibeth? Is this one of your childish acts again?”

“Childish act?” matatalim ang matang binalingan niya si Joliever. “You cheated on me! Ikakaila mo na naman ba yun?!”

Kagabi pa niya gustong gisingin ito, pero pinigilan niya ang sarili. Gusto niyang makausap si Joliever na hindi lasing.

“Ano ba! Ang aga-aga, bumunganga ka na naman. Ganito na lang ba lagi? Wala ka ba talagang tiwala sa akin ah?”

“Gagamitin mo na naman ba sa akin na isip bata ako? Na selosa? Bakit? Wala ba akong dapat na ika-selos?”

“Sawang sawa na ako sa ugali mo Lilibeth! Nakakasakal ka na. Mabuti pang umuwi ka na muna at saka na tayo mag-usap kung malamig na ang ulo mo.”

Umalis si Joliever sa tabi niya at naglakad patungong banyo, pero bago pa siya makapasok ng banyo, nagsalita si Lilibeth na ikinatigil niya.

“Ikaw pa talaga ang may gana na magalit? Sino ba sa atin ang may s*x video?”

Nanlalaki ang matang lumingon siya kay Lilibeth.

“Ngayon mo sabihin kung wala ba akong dapat na ikaselos. Ano yung s*x video?”

Nagmamadaling kinuha ni Joliever ang phone niya na nasa ibabaw ng table. “Pinakialaman mo ba ang cellphone ko?”

Natigilan si Lilibeth at mahinang natawa. Pinunasan na lang niya ang luha sa kaniyang mga mata. Tumayo siya at kinuha ang bag niya.

‘Hindi man lang niya dineny ang s*x video!’ Sabi niya sa isipan.

“Wait Lilibeth-" hinablot ni Joliever ang kamay niya at pwersahang pinaharap sa kaniya.

Isang malakas na sampal ang binigay niya kay Joliever.

“Bitaw! Uuwi na ako! Nalaman ko ng isa ka palang gago na hindi ko dapat  pagkatiwalaan pa.”

“Damn it! P-Pinakialaman mo ba ang phone ko?”

“Oo. Kaya ko nga nakita ko ang s*x video mo. Ano naman?” Walang emotion na sagot niya.

Ang galit na expression sa mukha ni Joliever kanina ay biglang napalitan. Napuno iyon ng takot at pag-aalala.

“B-Babe, wait…. let me explain…”

Binawi ni Lilibeth ang kamay niya. Masakit sa kaniya malaman na niloloko siya nito. Pero hindi siya tanga para magpaloko ulit kahit na mahal na mahal niya ito.

“Wala ka ng dapat na ipaliwanag pa Joliever. Isa lang ang hiningi ko sayo noong una na sana ay huwag mo ‘kong lokohin, pero hindi mo yun tinupad. Ngayon, pagbabayaran mo ang ginawa mo!”

“Anong ibig mong sabihin?”

“I’m breaking up with you!”

Nalukot ang mukha ni Joliever. “Makikipaghiwalay ka? Are you crazy? Sa tingin mo papayagan ka ng pamilya mo na hiwalayan ako? Alam kong ginagamit ka ng pamilya mo para dumikit sila sa pamilya ko!”

Binawi ni Lilibeth ang kamay niya.

“Kaya kong tanggapin ang ilang beses na sampal ni dad sa akin. Pero ikaw? Kaya mo bang harapin ang galit ng lolo mo sayo?”

Natigilan si Joliever. “A-Anong ibig mong sabihin?”

“May kopya na ako ng s*x video mo. Oras na ikalat ko yun sa social media, tiyak akong pagpi-pyestahan ka ng mga tao pati na rin ang pamilya mo.”

Tumalikod na si Lilibeth at naglakad paalis.

“Wait! Argh!!!” Napahawak si Joliever sa ulo niya dahil sumakit ito mula sa hang-over. Hindi niya na nahabol pa si Lilibeth na nakaalis na.

Si Joliever ay anak ng may-ari ng isang Gaming Company na sikat sa bansa. Siya rin ang long-time boyfriend ni Lilibeth.

Sikat ang angkan ng Floreza lalo’t sila ang pinakamayamang angkan sa bansa.

Kaya ayaw ng lolo ni Joliever na madawit sila sa anumang scandal dahil kapag nagkataon, mawawalan sila ng mana.

Nang medyo umayos na ang pakiramdam ni Joliever, agad niyang tinawagan si Lilibeth pero hindi na niya ito ma-contact.

Kumuyom kaagad ang kamay niya.

“Sa tingin mo papayag akong sirain mo ang pangalan ko Lilibeth? Humanda ka! Sisirain muna kita bago mo magawang dungisan ang pangalan ko!”