Chapter 3- Isa kang kahihiyan

Early in the morning, isang boses ang nagpagising kay Lilibeth.

Hindi maikakaila ang takot sa mukha niya nang makita niya ang daddy niya kasama ni Joliever.

“Anong kahihiyan ito, Lilibeth?”

Napatingin si Lilibeth sa labas ng pinto at nagulat siya nang makitang maraming empleyado ang nakatingin sa kaniya.

Dahan-dahang tumingin si Lilibeth sa tabi niya at napasinghap siya nang makitang may lalaking mahimbing na natutulog sa doon na walang saplot ng damit.

Slowly, bumabalik sa ala-ala niya ang nangyari kagabi.

Napasinghap siya nang maalala na sinuko niya ang sarili niya sa isang estranghero na nasa tabi niya.

Agad siyang tumayo bitbit ang kumot para maitago ang hubad niyang katawan.

“D-Dad, h-hindi … hindi ko alam kung anong ginagawa ko dito! W-Wala akong alam dito.” Isang malakas na sampal ang natamo ni Lilibeth.

Makikita ang galit sa mukha ng kaniyang ama habang nakatingin sa kaniya.

“Isa kang kahihiyan sa pamilya, Lilibeth!”

Napatakip si Lilibeth sa kaniyang bibig habang mahigpit ang kaniyang paghawak sa balabal na nakayapos sa kaniyang hubad na katawan.

“Hindi ko aakalain na magagawa mo ito sa akin babe,” nasasaktang sabi ni Joliever sa kaniya. “Malaki ang respeto ko sayo. Hinintay kita na maging handa para sa akin pero hindi ko aakalain na basta basta ka lang pala bibigay sa lalaking yan!”

Hindi alam ni Lilibeth kung paano siya humantong sa sitwasyong ito.

Nakatalikod sa kanila ang lalaking naka-one night stand niya, nakadapa sa kama kaya hindi nila makita ang mukha nito.

“D-Dad, m-mali ito.” Umiiyak na sabi niya. “Maniwala ka, hindi ko alam. Wala akong alam.”

Lumapit siya kay Joliever, umaasang paniniwalaan siya ng boyfriend niya.

“Joliever, please, believe me! Wala akong alam dito. Tell dad na hindi ako kaladkaring babae. Alam mo yan.” Halos magtunog desperada na siya para lang paniwalaan siya ng boyfriend niya.

Lihim na ngumisi si Joliever. Of course, ito ang plano niya. Ang pahiyain si Lilibeth bago pa siya nito mapahiya. Inunahan na niya.

“Maniwala? Kitang kita ng mata ko at ng dad mo Beth kung anong klaseng babae ka! Niloko mo ‘ko! Pinagtaksilan! Ano na lang ang sasabihin ng ibang tao nito?”

Kita ni Lilibeth na parang pinag-uusapan na siya ng ibang empleyado sa labas ng pinto.

“Anong nangyayari dito?”

Nanlaki ang mata ni Joliever nang makita niya ang lolo niya, kasama ni Aidan, ang may-ari ng hotel na ito.

‘Kung sini-swerte ka nga naman. Wala ka nang mukha na maitatago pa ngayon Beth! Sinong mag-aakalang dadating si lolo?’

“Sir,” agad na binati ni Bernado Maquiling—ama ni Lilibeth si Senior Floreza.

“Anong kaguluhan ito?” tanong niya. Tapos napatingin si Senior Floreza kay Beth.

Nakita ni Beth ang disappointment sa mukha ng lolo ni Joliever sa kaniya. Kilala na siya ng ibang pamilya ni Joliever, at maayos ang pagtanggap sa kaniya nito pero ngayon na nahuli siyang may kasamang ibang lalaki, nagbago ang ihip ng hangin.

“Akala ko ay ang apo ko ang unang gagawa ng kalokohan, Lilibeth. Hindi ko aakalaing ikaw pala.”

“Kahit ako lo, hindi ko rin inaasahan ito.” Sabi ni Joliever. “Hindi ko alam kung anong nagawa ko Beth para pagtaksilan mo ‘ko.”

Kumuyom ang kamao ni Lilibeth habang nakatingin kay Joliever.

“Pero nagtaksil ka rin naman, Joliever!” Umiiyak na sabi niya. “Kaya bakit kung makapagsalita ka e parang ako lang ang nagkasala sa relasyon natin?”

Sinampal na naman siya ng ama niya. “Anong klase kang babae Lilibeth para paghinalaang nagtaksil si Joliever sayo? Ito ba ang plano mo? Ang idawit siya sa kalokohan mo para lang maligtas mo ang sarili mo sa kahihiyang ito?”

Nakagat ni Lilibeth ang labi niya. Kahit kailan, hindi siya minahal ng ama niya. Kahit kailan, palagi siyang outcast sa pamilya.

Mariing hinawakan ng ama niya ang kaniyang panga, ang mata ay nag-aalab sa galit. Lumapit ang ama niya sa tenga niya at bumulong.

“Ayusin mo ang gulong ito, Lilibeth kung ayaw mong palayasin kita! Ibigay mo ang katawan mo kay Joliever kung maaari para lang patawarin ka niya. Hindi ka niya pwedeng hiwalayan!”

Mayaman ang angkan ng Floreza kaya maraming nangangarap na mapabilang sa pamilyang iyon.

Kaya galit na galit si Bernardo dahil mawawalan siya ng tsansa para mapalapit kay Senior Floreza.

Gusto niyang maging asawa ni Beth si Joliever dahil sa yaman ng pamilya nito. In short, ginagamit niya ang anak niya para makuha ang gusto nitong yaman at impluwensya.

Pero dahil sa kaguluhang ito, natatakot siyang baka e magkandeleche-leche pa ang plano niya.

Tumingin si Lilibeth sa dad niya. “Bakit ko yun gagawin? Bakit ako hihingi ng tawad sa kaniya kung siya ang unang nagkasala sa amin?”

“Nahihibang ka na ba?” hindi makapaniwalang ani ng ama niya sa kaniya.

“Hindi dad! Pero bakit ako lang ang may mali sa relasyong ito?” Tinuro ni Lilibeth si Joliever.

“Alam mo ba kung anong nangyari sa amin ng lalaking yan?”

“TUMIGIL KA, LILIBETH!”

“May sex video akong nakita sa phone niya, dad!” Ang sabi niya habang sunod-sunod na luha ang umaagos mula sa kaniyang mga mata.

Desperada na siyang makakuha ng kakampi. Gusto niyang kahit minsan lang e ipagtanggol siya ng papa niya.

Gusto niya, kahit ngayong oras lang e maramdaman niyang anak siya nito.

Nanlalabo na ang paningin niya dahil sa luha niya hanggang sa tuluyang nandilim ang paningin niya dahil sa kamay na nagtakip sa kaniyang mga mata.

Nagulat siya nang may matigas na bagay siyang naramdaman mula sa likuran niya.

At naramdaman nalang din niya ang hininga ng isang lalaki na tumama sa leeg niya.

“I am here, I will protect you.”

Mas lalo siyang naiyak dahil iyon ang salita na gusto niyang marinig sa ama niya. Hindi niya aakalain na maririnig niya yun sa ibang tao.

At alam niyang ang taong yun ay ang lalaking naka-one night stand niya.

Napasinghap sina Joliever, si Aidan na may-ari ng hotel at si Senior Floreza.

“I will take responsibility, sir.” Sabi no’ng estranghero sa ama ni Beth. “I will marry your daughter.”

“Lucio!” Ang sabi ni Senior Floreza na hindi inaasahang si Lucio pala ang kasama ni Beth sa kwartong ito.

Lucio is his youngest and illegitimate son.

“A-Anong g-ginagawa m-mo dito, uncle?” nauutal na tanong ni Joliever.

And yes, he’s Joliever’s uncle.