Chapter 59

Kalahating minuto ang lumipas ng pumasok naman si Eve at binigay ang isang folder kay Lolo J. Iyon na ang hinihintay nito na sched.

Binalik ko na ang atensyon sa binabasa, seryoso ako at tinatandaan lahat ng background nila para kapag nakaharap ko ang mga ito, Hindi ako mangangapa.

Naging abala kaming tatlo sa loob ng opisina ni Lolo J, Si Kiel meron ding binabasa pero hindi ko alam kung tungkol saan.

Matapos ko mabasa ang profiles ng boardmembers. Kinuha ko sa table ang folder na binigay sa akin ni Lolo J kagabi, dala dala ko ito kanina. Ipagpapatuloy ko ang pagbabasa tungkol sa kompanya.

“Kiel sabihin mo kay Eve i-order tayo ng lunch."

Rinig kong utos ni Lolo J.

“Ok Sir.”

Pasimple kong kinuha ang cellphone ko sa Bag para i-check ang oras. Mag aalas-dose na pala. Ang bilis ng oras, hindi ko man lang namalayan.

Sandali, kanina pa nasa Malaysia si Giovanni pero wala pa rin akong natatanggap na tawag o text. Sabi pa niya sa akin kanina kapag nakar