Chapter 67

NAKALIPAT na sa isang presidential suite si Giovanni. Naayos na namin ang lahat, pero hanggang ngayon ay tulog pa rin ito.

Umalis na rin pala si Sean at Kiel, May mga gagawin pa daw sila at bukas na ulit babalik. Sila na rin daw ang bahala mag sabi kay Lolo J ng mga nang-yari. Binilin ko sa kanilang dalawa na kay Lolo J lang muna ipa-alam ang lahat. Ayoko mag alalala sila mama at Nicole.

Sasabihin ko na lang kapag nakauwi na kami para mapaliwanag ko ng maayos.

Maingat na binuhat ko ang upuan at nilapit sa gilid ng kama ni Giovanni tapos naupo roon. Marahan kong hinaplos ang kanyang buhok saka nagsalita.

“Ang haba naman ng tulog mo, Hubby. Gising ka muna, para makakain ka. Sabi pa naman nila Kiel wala kapa raw kain noong pinuntahan niyo ako. Tsk, pasaway ka talaga, sabi ko sa‘yo ‘wag ka magpapalipas ng kain ‘e. Sa susunod ipaghahanda na kita ng lunch at dadalhin ko sa opisina mo para siguradong makakain ka sa tamang oras.”

“Gising kana..Ipaghahanda kita ng makak