Chapter 9—First Time

Ito na nga ba ang kinakatakot ni Maya, ang malaman ng mommy niya ang tungkol kay Miguel.

Ilang araw na siyang hindi pinapalabas ng bahay. Tinotoo rin ng mommy niya ang banta. Kinuha ang phone niya. Gustuhin niya man na humingi ng tulong sa mga kaibigan para makatakas ay hindi niya magawa. Bantay-sarado ang telepono, kulang na lang ay tanggalin lahat ng means of communication at i-lock ang buong bahay para lang masiguro ng nanay niya na hindi siya makakaalis at malalapitan ng kahit sinong lalaki, maging ang daddy niya.

Natatakot din siya sa kung anong kayang gawin ng mommy niya kay Miguel. Ni hindi siya nito pinapakinggan nang sabihin niya na kaibigan niya ito, and he was sick that time nang maabutan siya nito sa dorm ng lalaki. Hindi rin ito nakinig nang sabihin niya na ibang lalaki ang humila sa kanya sa likod ng building.

Tama.

Hindi siya pinapakinggan, dahil ito ang may pakana! Her mother was willing to put her through hȇll just to warn her about men.<