Chapter 8—First Obstacle

“MAYA, HINDI ka nagsabi na pupunta ka rito.”

It’s been days since the last time he saw her. At ngayon nga, akala niya ay nananaginip siya at walang pakundangang hinubaran ang dalaga. Kung hindi pa siya nakatikim ng sampal, hindi siya magigising.

“Special delivery ng babae mo!” Bahagya nitong ipinilig ang ulo sa mesa kung nasaan ang delivery daw. “Aalis na ‘ko!”

Padabog itong tumayo at inayos ang sarili. Walang lingon-likod din itong lumabas.

“Maya, hintayin mo ‘ko sa waiting area. Maliligo lang ako. Ihahatid kita.”

Hindi niya alam kung narinig siya ng dalaga.

Kahit medyo nahihilo pa dahil hindi pa siya nakainom man lang ng mainit, ay mabilis siyang naligo. Hindi niya alam kung bakit gano’n ang inaakto ng dalaga.

At anong sinasabi nito na babae niya? Sino naman iyon bukod kay Maya?

Mukha bang maghahanap pa siya ng iba kung diyosa na ang girlfriend niya?