Kabanata 6

Kabanata 6

Answer

NANG gabing iyon. Kahit puno ang utak ko ng maraming isipin. Uswal lang akong pumasok sa Zeus Club katulad ng parati kong ginagawa para wala silang mapuna sa aking kakaiba.

Lalo na si Shaina. 

Alam ko kasing may pagdududa pa rin siya sa sagot ko sa kanya kaninang umaga bago kami mag-hiwalay ng landas kaya mas dapat hindi ako magpahalata para hindi niya ako magisa. 

Problema ko 'to, at alam kong may problema rin siyang kinakaharap sa pamilya niya kaya hanggang sa makakaya kong sarilinin at hindi ibahagi sa kaisa-isa kong kaibigan. Gagawin ko. 'Wag lang maging dagdag alalahanin sa kanya. 

Nginitian ako ng tipid ni Shaina ng paglabas ko ng dressing room ko, saktong papunta na siya sa backstage. 

"Oh, 'te, kamusta naman ang araw mo?" Masiya ngunit may halong asar niyang pangbungad na lagi niya namang lintanya.

Pabiro ko siyang inirapan bago isara ang pintuan ng dressing room. "As usual, hindi maganda," sakay ko sa biro niya. Natawa siya ng pagak. 

Nahawa na rin ako kaya, natawa ako ng mahina lang sa paglalakad namin. Umiling pa ako dahil kapag kasama ko talaga ang babaeng 'to, parang nakakalimutan ko lahat ng problema ko dahil nakakahawa ang pagiging positibo niya sa lahat ng bagay. 

"Sira ulo ka talaga! Oh basta, ipakita mo 'yang malaki mong dibdib at puwetan sa mga customers mamaya para marami ulit tayong makuhang tips, ah!" asar niya bago paluin ang pang-upo ko. 

Pinag-singkitan ko siya ng mata sa ginawa niya at inirapan siya. Tumawa lang naman ang bruha kaya napa-iling na lang ulit ako. 

Masaya nga kasama, nakakainis rin naman minsan. 

"Oh, girls, maraming mga customers na bigatin ngayon na nonood. Gamitin niyo iyang mga alindog niyo at naglalakihang niyong pakwan para tapunan kayo ng mga libo sa mukha! Asset niyo 'yang mga 'yan! Gamitin niyo ng maige, nakukuha niyo?" Sabad ni Mommy Gai ng makapamanhik na kaming lahat dito sa backstage. 

Agad namin siyang sinagot ng malakas.

Kasunod no'n, pumanhik na rin ang mga kasamahan ko papunta sa stage. At paglabas na paglabas pa lang nilang apat, dumagundong na ang buong paligid.

Susunod na rin sana ako sa kanila ng tawagin ako ni Mommy Gai sa mababang boses. "Keisha..."

Nilingon ko siya at pinag-taasan ng dalawang kilay. "Po?"

Huminga muna siya ng malalim bago unti-unting lumapit sa akin. Inabot niya sunod sa akin ang maskara ko. Nanlaki ang mata ko dahil hindi ko napansin na wala pa pala akong suot-suot na maskara. 

Inabot ko iyon at agad na sinuot at tinali. 

"Salamat Mommy Gai," ani ko. 

Tinitigan niya ako ng mariin sandali bago gumuhit ang tipid na ngiti sa kanyang pulang-pulang mga labi. 

"You're welcome. Ikaw ang inaasahan ko. Galingan mo. Ubusin mo ang mga pera ng mayayamang 'yan," nangi-impluwensya niyang sabad. Na nagbigay sa akin ng kakaibang saya sa pakiramdam. 

Mabilis ko siyang tinunguan. Hindi ko na siya sinagot pa at mabilis nang lumabas sa madilim na backstage.

At pagkalapat na pagkalapat pa lang mga paa ko sa stage, at pagtama sa akin ng nakakasilaw na pabago-bagong ilaw ng Club. 

Mas lalong nagwala at nagsigawan ang dagat ng mga tao. Kinawayan ko sila ng tipid bago pumunta sa gitna para pumwesto. 

"Ms. K! Ms. K! Ms. K! Ms. K!" sigaw ng madla na mas lalong nagpangiti sa akin. 

Marami pang tumawag at humiling ng atensyon ko. Pero ni isa sa mga iyon, hindi ko na binigyan ng pansin. Nag-seryoso na ako para makapag-handa sa sasayawin namin ngayong gabi. 

At hindi rin nagtagal, nagsimula nang tumunog ang nanunuya at nakakaakit na musika kaya nagsimula na rin kaming lima sabayan iyon gamit ang katawan namin. 

May mga nag-hagis na agad ng pera sa kanto-kanto ng stage. At nasundan pa iyon ng nasundan katagalan. 

Mabilis kong pinalipad ang tingin ko sa VVIP floor para tignan saglit kung nandoon ang taong kanina pa bumabagabag sa magulo ko na ngang isipan. 

Malakas akong napa-buntong hininga sa isip-isip ko dahil miske ang dominante niyang anino sa taas, hindi ko nakita. Magandang bagay iyon dahil mas lalo akong makakapag-isip ng mabuti. 

Buti naman at kahit ngayon lang, hindi siya nagpakita sa akin. P-Pero... bakit kaya wala siya ngayong gabi? Busy? May meeting? 

Argh! Keisha! Bakit mo pa ba iniisip ang ginagawa ng damuhong iyon?! Ano naman sa 'yo kung anong ginagawa niya ngayon?! 

Sa naisip. Muntik na akong matapilok ng umabante ako sa stage. Buti na lang, agad kong nabawi ang balanse ko at hindi rin gaano napansin ng mga manonood. Maliban na lang kay Shaina, na ang sama agad ng tingin sa akin at para bang sa tingin niya. Tinatanong niya ako ng, "anyare 'te?"

Inirapan ko na lang siya at mas nag-pokus na lang sa pagsasayaw. Pinilit ko rin ang sarili ko huwag muna isipin si Mr. Tyson Clyde Kratts kahit ngayon lang. Nagawa ko naman at natapos ang gabing iyon ng masaya dahil malaki laki rin ang kinita namin ng gabing iyon, dahil katulad nga ng sinabi ni Mommy Gai kanina, maraming bigating tao. 

Karamihan sa kanila, mga tanyag na artista at negosyante kaya sobrang dami naming tips na nahita ngayong gabi. 

Tuwang tuwang pumalakpak si Mommy Gai ng mapag-parte parte niya na ang kinita ng Club at ang sahod namin.

"Naku! Sana araw-araw ganito talaga para naman araw-araw rin akong masaya! Ang gagaling niyo kanina girls! Kulang na lang, mag-laway lahat ng mga lalaki sa inyo! Kabog!" Nagsusumigaw niyang papuri.

Humagikhik ang apat. Ngumuso ako habang pinapanood sila. 

"Naku mi! Hindi naman kami ang pinaglalawayan ng mga 'yon! Ang balakang at mga malalaking ponkan ni Ate Keisha ang pinagnanasahan ng mga 'yon! Hindi iyong amin na halatang silicon lang kaya lumaki!" patuyang anas ni Crystal at dinuro pa talaga ako!

Mas lalo lang naman silang nagtawan na lima. At ako, napa-iling na lang. Hindi kayang sakyan ang mga bibig ng kasamahan. 

"Sa true dai! Naku! Hula ko, tumakas pa ang iba doon sa mga misis nila para mapanood 'tong si Keisha ngayon gabi! Tss! Ulol na ulol lang mga pri?! Aso yarn?" Dagdag pa ng leader nila sa kabalastugan na si Shaina. 

Mas lalong tumulis ang nguso ko.

Natatawang hinampas naman siya ni Mommy Gai bago bumanat ng kanya.

"Hoy mga 'nak! Huwag kayong ganiyan! Ang mga ulol na sinasabihan niyo ay siyang dahilan kung bakit may nauuwi tayo sa mga pamilya natin gabi-gabing datong! Kaya s'ya, sige na at tama na ang asaran, aabutan na naman kayo ng araw dito sa kaka-chismisan! Magsi-uwi na kayo!" pangangaral ni Mommy Gai.

Sumunod naman sa utos niya ang apat at nauna pang naglakad papunta sa locker room para makapag-palit na ng pormal na damit at maka-uwi na. 

Nag-kuwentuhan pa silang apat saglit at nagtawanan ng makarating sa locker room. Nakikinig lang ako sa kanila at minsan rin nakiki-tawa kapag may nakakatawa silang biro. 

"Ate Keisha! Ate Shaina! Uwi na kami, ah! See you mamaya!" kinikilig na sabad ni Krisha ng mauna na silang makapag-bihis na tatlo. 

"Uhm, mag-iingat kayo," simpleng tungo ko sa kanila. 

Hinalikan pa ako sa pisnge ni Leah at Crystal bago tuluyan silang tatlo umalis.

"Oy, 'te, hindi na kita maiintay ngayon huh? May lakad kasi kami ni Gerald mamaya, e, kailangan ko na agad umuwi para makatulog man lang ng ilang oras," nakangusong harap sa akin ni Shaina. Natawa ako ng tipid.

"Gaga, ok lang. Saan ba kayo pupunta ng boyfriend mo, huh?" mapanukso kong tanong. Namula ang dalawang pisnge niya at agad napa-iwas ng tingin. 

Napa-irap na lang ako sa ere sa pagka-irita, dahil basang-basa ko talaga sa mukha niya ngayon na kinikilig siya! Tss! 

"A-Ahm, ano, ipapakilala na kasi niya ako mamaya sa mga magulang at kapatid niya. K-Kaya... kailangan ko talaga umuwi agad para makatulog at hindi maging mukhang bangkay 'te! Sa harap ng mga futures-in-laws ko!"

Ang tinutukoy niyang Gerald ay ang long-time boyfriend niya. Kilala ko iyon, dahil dito sa Zeus Club niya unang nakilala iyon. Mabait siya Gerald. May itsura, matangkad, at sabihin ko nang, mayaman rin. 

Niligawan niya si Shaina ng anim na buwan. Ganoon katagal, dahil may hinuha kaming dalawa noong una, na baka trip-trip lang siya ni Gerald dahil nga sa laki ng antas ng buhay na meron kami at ang isang tulad niyang laki sa gintong kitsura ang pinang-kakain. 

Pero kalaunan, nang tuluyan na naming makumpirma na tunay at buo ang pagmamahal ni Gerald sa kanya. Sinagot niya na rin ito. At kalaunan, nang maging sila, tumira rin si Shaina sa tinutuluyan nitong condo malapit lang din dito sa BGC dahil may issue sa pamilya si Shaina at buti na lang, nandyan si Gerald sa tabi niya para suportahan at tanggapin siya sa kung sino at ano pa siya. 

"Hoy, 'te! Galaw! Natulala ka na d'yan!" natatawang tapik ng kaibigan sa balikat ko. Napakurap-kurap ako bago siya pagtaasan ng dalawang kilay. Inirapan niya ako.

"Sabi ko 'te, una na ako! 'Bye'!" ulit niya sa sinabi niya. Napalunok ako ng mariin. 

"A-Ahh... o sige, ingat..." iyon na lang ang nasabi ko dahil sa lalim ng napuntahan ng espirito ko. 

At ilang minuto lang. Mag-isa na lang ako sa tahimik na locker room. Binilisan ko na lang ang pagbibihis. At nang matapos na, pumanhik na ako pauwi. 

Sa daan, naisip ko ulit sila Shaina at Gerald. Napangiti ako ng maalala ko ang ibinalita sa akin ng babaeng 'yon na, ipapakilala na siya nung lalaki sa pamilya niya. 

At para sa akin, at alam kong para rin kay Shaina, malaking pribilehiyo na ang bagay na iyon na iharap ka ng lalaki sa mga magulang niya. Dahil nagpapatunay iyon para sa mga katulad namin na totoo ang pagmamahal nung tao sa 'yo.

Sa katulad kasi naming may mga ganitong trabaho, stripping, bibihira ka na lang makakakita ng lalaking totoong magmamahal sa 'yo. Dahil kadalasan, ang mga lalaking lumalapit at nagpapakita ng interest sa amin. Karamihan sa kanila, katawan lang namin ang habol...

Nawala ang saya ko sa mukha ng maisip ko iyon. Mariin ko ring nailamukos ang dalawang kamay ko at napakagat ng labi. Nang mahinuha... 

Hindi kaya katawan ko lang ang habol ni Mr. Tyson Clyde Kratts sa akin kaya gusto niya akong pakasalan? — Kasi gusto niya lang akong maangkin? Ewan. 

Hindi ko alam. Maaaring hindi, maaring oo. Pero kaduda-duda pa rin dahil kung iyon lang ang gusto niya sa akin, edi sana pinaka-kuha o pinadukot niya na lang ako para magalaw. Kaya sa utak ko, meron pa. Meron pa siyang rason kung bakit niya ginagawa ito. At ang bagay na iyon, siya lang ang nakakaalam.

Napa-buga na lang ako ng malalim na hininga bago i-iling ang ulo.

Pagka-uwi ko. Tinapos ko ang araw na iyon sa pagtulog. At pagkagising ko naman, pinilit ko munang hindi isipin ang mga bagay-bagay na nagpapagulo sa akin at mas naglaan muna ako ng atensyon sa paligid ko. 

Pumasok ulit ako ng naka-ugalian sa Zeus Club. At katulad ng mga dating gabi ko sa trabahong ito, naging nakakapagod ang araw para sa aming lahat ng tuluyan nang natapos ang performance namin. 

Hindi ko rin nakita si Mr. Tyson Clyde Kratts ngayong araw sa VVIP floor katulad kahapon. Pinilit kong hindi gawing malakay ang bagay na iyon dahil hindi naman lagi dapat nanonood siya sa akin. A-At... bakit parang hinahanap ko pa siya?! Argh! 

"Ma! Naka-uwi na po ako," pagod kong pangbungad ng maka-uwi ng bahay.

Hindi na ako kumain at dumeretso na lang ako sa taas sa kuwarto ko para makapagpahinga na agad. At hindi naman ako nabigo makapagpahinga dahil pagka-bagsak pa lang ng katawan ko sa kama ko, kinain na agad ako ng antok at pagod.

"Ok, girls, katulad ng nakaraan. Marami ulit mga bigtime daddies ngayon sa crowd! So galingan at kabogin niyo talaga para marami kayong kitain! Naiintindihan niyo?!" Nangi-impluwensyang sabi ni Mommy Gai ng nasa backstage na kami ng gabi ng araw na iyon. 

"Yes mi!" malakas naming sagot at sabay-sabay na kaming lumabas ng stage. 

Hindi ko pinag-aksayahan ng panahon ang madla na sumisigaw sa pangalan ko. Sa halip, kusang tumaas ang paningin ko sa VVIP floor at kusa rin akong nakaramdam ng inis sa kaibuturan ko ng makitang, wala pa rin ni anino ni Mr. Tyson Clyde Kratts ang nakita ko doon! 

Nasaan na ba ang lalaking iyon? Ano bang ginagawa niya?! Bakit wala na naman siya dito?! 'Di ba ngayon na yung araw na ginawa niyang palugit sa akin? E bakit hindi ko pa rin siya nakikit—

Nanlaki ang mata ko ng may maisip at kusang nawala ang inis kong iyon sa kanya ng... 

Hindi kaya nakalimutan niya na ang sinabi niyang iyon sa akin?! Ibigsabihin...? Hindi ko siya papakasalan?! 

Parang may panghihinayang akong naramdaman ng maisip ko iyon. Pero agad akong umiling-iling sa isip ko dahil dapat, tuwa ang maradaman ko at hindi iyon dahil mukhang nakalimutan na nga talaga ng damuhong iyon ang banta niya sa akin! 

Tss! Edi mas maganda iyon 'di ba? — Ano bang nangyayari sa akin? 

"Keisha, ayos ka lang?" boses ni Shaina sa likod ko ng mapansin siguro ang pagka-wala ko sa sarili. 

Nilingon ko siya saglit bago tinunguan. "O-Oo..." kahit na ang totoo. Muntik ko ng maiwala sa isip na nasa stage pa pala ako at nasa harap ng maraming tao.

'Di kalaunan, nagsimula na rin kami. Sumayaw ako ng buong puso ko katulad ng parati kong ginagawa. Pero kalaunan, nawawala ako sa hulog kapag napupunta ang mata ko sa VVIP floor at wala pa rin akong nakikitang Mr. Tyson Clyde Kratts na nakatingin sa akin at pinapanood ako! 

Gusto ko nang murahin ang sarili ko sa sitwasyong iyon. Dahil parang kabaligtaran pa ang nararamdaman ko sa nangyayari. Parang naiinis pa ako na hindi ko siya nakikita, imbis na tuwa.

Natapos ko ang gabing iyon ng ayos lang at kunot ang noo. Hindi na rin ako nakipag-kuwentuhan pa kila Shaina sa backstage at agad na akong naglakad papuntang dressing room para makauwi ng natanggap ko na ang sahod ko. 

Pero kusang napatigil ang dalawang paa ko sa paglalakad ng makita ko ang pamilyar na bulto ng lalaking kanina pa nagbibigay ibang pakiramdam sa kaloob-looban ko. 

Nang maitas ko ang tingin ko sa mukha ni Mr. Kratts ay kusang nanlaki ang mata ko na para bang luluwa dahil nakita ko ulit ang parating galit niyang mukha ngunit sumisigaw pa rin ng kaperpektuhan. 

Prente siyang nakasandal sa pader. Nakatitig ng mariin sa akin habang nakahalukipkip at parang kanina pa doon. 

"A-Anong ginagawa mo rito?" Tanong ko agad ng kusang tumapak ang mga paa ko palapit sa kanya. 

Inirapan niya ako bago dumeretso ng tayo. At sa ginawa niya, kusa akong napatingala sa kanya dahil ramdam na ramdam ko na ang agwat sa tangkad namin. 

"You really asking that?" sarkastiko ngunit may bahid ng inis niyang saad. 

Napa-iwas ako ng tingin at napalunok ng matanto ang gusto niyang ipahiwatig. Bumilis kusa ang puso ko sa hindi nito normal na lakas at parang bawat segundo, tinatambol iyon. 

"I'm here because of one reason. And I know, you already know what is it," malumanay ngunit may awtoridad sa boses niya. Hindi ako nakapagsalita sa takot. "I give you three-days to think about it. And now, your slip is already broken so I'm here to hear your answer."

Naiyuko ko ang ulo ko at mariing napapikit.

Wala ng ibang paraan... hindi niya nakalimutan Keisha... binigyan ka lang niya ng tatlong araw para makapag-isip... wala ka pa ring takas. Kailangan mo nang sumagot. 

Malalim na suminghal si Mr. Kratts bago ulit magsalita. 

"You know if you refused your family and your dear friends will suffer the consequences, righ—"

"Pumapayag na ako." 

Hindi niya na natapos ang sinasabi niya ng matapang kong tinaas ang mukha ko sa kanya at sabihin ng madiin ang bagay na iyon. 

Huling huli ko ang paglaki ng dalawang mata niya, at mukhang ang isang iyon, hindi niya inaasahan mula sa akin. 

Kung sa bagay, kung may alternatibo namang paraan para takasan ang banta niya. Iyon na lang sana ang ginawa ko. Pero wala. Wala akong takas sa mga kamay niya. Kahit anong gawin ko, makukuha at makukuha niya pa rin ako at baka kapag nanlaban ako. Sa huli, may madamay pa na isa sa mga kaibigan o pamilya ko kaya mas ayos na ito.

"W-What did you say??" wala sa sarili niyang anas habang nakatitig pa rin sa mukha ko ng gulantang. 

Huminga ako ng malalim. "Oo, pumapayag na ako. Pumapayag na akong magpakasal sa 'yo at maging asawa mo."

Itutuloy...