CHAPTER 05

Brenda

Inaasahan kong susundan ako ni Mattheus. Magagalit ang amo sa ‘kin, dahil tinakasan ko siya. Inaasahan kong pipilitin niya ako pabalikin sa unit niya. Ngunit tinubuan na ako ng ugat sa paa sa kaantay sa baba. Walang Mattheus na sumulpot.

Natagalan pa nga akong kumuha ng taxi sa labas. Lumingon pa nga ako sa building ng condo ni Mattheus, baka nakatanaw lang sa ‘kin ang binatang amo. Ngunit bigo ako sa inaasam ko. Dahil hindi ko talaga nakita si Sir Mattheus. Umuwi ako ng boarding house ko na laglag balikat at maghapon tahimik na nagmumukmok. Minsan pa nga hindi ko namalayan umiiyak na pala ako.

Kumalma naman ako tsaka pa ako nagbihis at nagpasyang matulog maghapon.

Pagdating ng alas sais ng gabi binulabog ako ng malakas na katok sa labas ng pinto. Tamad na idinilat ko ang mata ko. Sino ba kasi iyon grabeng katok iyon ah. Akala mo may sunog eh.

Kumakalam na rin pala ang sikmura ko dahil walang almusal at tanghalian. Kung nagkataon pa hindi sa kumatok sa pinto ko. Baka hanggang ngayon tulog pa ako. Dala rin siguro ng pagod ko kagabi sa condo ni Mattheus, kaya bumabawi ako ngayon ng tulog.

Mabuti lang sabado ngayon. Bukas na ako maglalaba at konting walis lang naman dito sa silid ko okay na. Kahit nga one week akong hindi maglinis dahil wala naman kalat. Nakasanayan ko lang talaga araw-araw magwalis kahit wala naman kalat sa silid ko. Paano magkakaroon ng kalat mag-isa lang naman ako. Isa pa sa gabi lang ako narito kung may pasok ako sa RMTV network.

Tok! Tok! Tok!

Sa lakas parang gustong gibain ang pinto sa labas.

“Sino ba 'yan!?” nilakasan ko ang boses ko.

Wala akong nakuhang tugon. Kun'di magkakasunod na kalampag ang lalong nag painit ng ulo ko. Pinisti sino ba 'yon? Pero sino nga kaya naman iyong istorbo na kumakatok? Kababayad ko lang naman sa landlady ko ng upa kaya hindi ako sisingilin noon. Wala rin maglalakas loob na kalampagin ang pinto sa k’warto na kulang na lang ay gibain sa paraan ng pagkatok kung sinong poncio pilato nasa labas.

Maliban sa may-ari nitong boarding house wala akong ibang naiisip na maglalakas loob na gambalain ang pammahinga ko. Lalong hindi nagpapa pasok si Aling Melba, nang bisita kapag walang paalam galing sa mga tenant niya.

Next month pa ulit ang bayaran ko sa upa sa kuwarto ko. Kaya impossible na may-ari ang nasa labas. Lalong hindi kalapit k'warto ko. Kasi hindi iyon lumalabas ng silid lalo ngayon na sabado baka mga nasa labas pa naga-unwid

Kumatok ulit. Gano'n pa rin nagmamadali. Hinayaan kong nakalugay ang buhok ko. Hindi rin ako nagbihis ng t-shirt at lalong hindi ako nag abala magsuot ng bra total naman makapal naman ang t-shirt ko. Kahit na wala akong suot na bra ayos lang. Hindi halata ang aking nippl**.

Naka cycling short lang din ako at maikli pa iyon. Lalo na't hindi ko pinagka-abalahang ibaba halos sobrang iksi sa ‘kin, pero pumunta ako sa pinto ng hindi ko inayos ang cycling short ko.

“Sino ka ba kasi? Bakit hindi ka magsalita katok ka nang katok?!” bulyaw ko pa sa loob.

Tinugon lang ako ng sunod-sunod na kalampag kaya naman mabilis akong lumakad patungo sa pinto.

“Kanina pa ako nagtatanong kung sino ka? Putol ba dila mo. Kaya hindi ka makapagsalita?” anang ko.

Mabilis kong hinila ang pinto ng silid ko ngunit na shocked ako sa lalake nakatayo sa labas.

“Sir Mattheus?” hindi makapaniwalang bumulong ako. Ikinurap ko pa ang mata ko, baka nanaginip pa ako bakit mapapasugod si Sir Mattheus dito.

Madilim ang hilatsa ng mukha nito't kulang na lang ipatumba ako sa galit na galit nitong mata. Pinasadahan ako ng tingin pagkatapos umangat sa mukha ko naningkit ang mata.

"Is that what you wear even though you know there are people outside your door? Bakit ang iksi ng short mo, Brenda? Dammit! Wala ka rin bra!"

Galit ito sa 'kin para bang napakalaking big deal niyon sa kaniya.

“Ay! Hindi na pala kailangan ng susi, Mr. Martinez. Binuksan na pala ni, Brenda. Bakit mga pala matagal kang nagbukas, hija?” ani ng landlady ko.

Hindi siya sinagot ni Mattheus. Sa akin talaga masama ang tingin nito nakatitig. Ano naman kaya ang problema ng amo ko? Aba, galit na galit gustong manakit? Kasi iyan ang nababasa ko sa kaniya nagagalit wala naman akong alam na ginawang mali.