Chapter 2

Chapter Two

BACK to the present.

Nais man takpan ni Maris ang sarili ay hindi na niya magawa. She's too embarrassed to even tell him to get out. Paano palalayasin ang lalaking pinagpantasyahan niya ng harap-harapan kaya naabot agad niya ang langit?

The ef talaga, Maris Pulumbarit!

Para siyang matutunaw sa mga titig nito. Actually, he looks mad and serious. Gusto niya itong tanungin kung bakit hindi pa rin lumalabas ng banyo. Sa pagkakaalam niya, bahay niya ito at trespasser ang lalaking nagpakilalang tutor daw niya. Wala naman siyang narinig na katok. Although may sinabi nga ang papa niya na may darating na tutor. Hindi naman niya inakalang ngayong araw ang dating ng tutor niya.

Napakurap-kurap siya nang kumilos ito at agad na tumalikod. Nahimasmasan na siguro. Pero bago ito lumabas ng banyo ay ininsulto pa siya.

"Sinong matinong babae ang hindi magla-lock ng banyo habang nagsasarili?" Saka siya tinitigan ng masama habang nakatagilid ang ulo nito.

Nakagat ni Maris ang pang-ibabang labi. Napahiya siya. Hiyang-hiya siya sa nangyari. Paano kapag nalaman ng papa niya? Kapag isumbong siya nang nagpakilalang tutor na iyon sa kapita-pitagan niyang ama? Siguradong masisira ang mga pangarap niya. Ang masundan si Walt sa famous State University, ang makita si Walt araw-araw kapag papasok siya ng school at ang makawayan man lang si Walt if ever magkasalubong sila sa corridor. The ef, Maris! Iyon ba ang pangarap niya? Pulos patungkol kay Walter Yap?

Ahhh! Inilubog niya ang katawan sa tubig at nagpadausdos sa ilalim ng bath tub. Saka siya nagmamadaling tumayo at pinunasan ang basang katawan. Haharapin niya kung sinoman ang lalaking iyon. Magtutuos sila.

Nagmadali siyang nagbihis ng pambahay. Maluwag na white, plain shirt at maikling denim short that's above her knee. Hindi na niya nagawang magsuklay at agad na lumabas ng banyo. Nagpalinga-linga siya sa sala. Wala ang buhong!

Sa kusina. Wala rin. Sa kuwarto ng papa niya. Wala pa rin? Hindi kaya namalikmata lamang siya kanina at wala naman talagang ganoon kaguwapong lalaki siyang nakita?

Nakamot ni Maris ang ulo. Gutom lang ba siya o nasobrahan sa pagkalikot sa sarili niya? Ngayon siya nakaramdaman ng kahihiyan. Nagi-guilty siya sa ginawa. Paano nga kung may lalaking nakakita sa kanya? Or biglang dumating ang papa niya at ganoon ang ayos niya?

Nakupo! Baka pukpukin siya ng kaldero, kawali at sandok ng papa niya. Matindi pa naman magalit iyon kapag nagkakamali siya. Sa sobrang istrikto, napaluhod na nga siya nito sa asin. Mga two minutes. Kahit sandali lang iyon, masakit kaya!

On second thought, maybe she's just fantasizing. A man with deep, fiery, dark eyes with lips that were red and bewitching. Not to mention ang mala-pandesal na katawan. Mula sa mga braso, sa dibdib at tiyan. At kung ibababa pa niya ang mga mata, siguradong mas gugutumin siya. Nadilaan tuloy niya ang labi at parang naglalaway siya.

"Ano’ng oras darating si Prof?"

"Ay bulate!" Napatalon si Maris. Saan galing ang mababang boses na iyon? Unti-unti niyang iginalaw ang ulo. Hallucination ang tawag kapag may naririnig at nakikita ka pero wala naman talaga. Illusion naman ang tawag kapag nangangarap ka pero malayong maging totoo. Alin sa dalawa?

Binigla na niya ang paglingon. Muntik na siyang mapasigaw. Dahil kampanteng nakaupo sa sofa nila, naka-de kwatro pa ang lalaki sa hallucination niya. Kinusot niya ang mga mata. Nandoon pa rin. Kinurot niya ang magkabilang pisngi. Nandoon pa rin ang lalaki. Sumigaw pa siya ng, "Darna!" Pero hindi pa rin nawawala ang pantasya niya.

"Tsk, tsk, tsk! May tama ka ba, miss? Tinatanong ko kung ano’ng oras darating si Professor Pulumbarit?"

Nahigit ni Maris ang hininga niya. Dreams do come true. And her dreams just came true! Holy ef!

"Aaaaaaaah!" Napasigaw siya nang tumayo ito at aktong lalapitan siya. At nilapitan nga siya ng guwapong lalaki na agad na tinakpan ng dalawang palad ang bibig niya.

"Hoy, ano ka ba! Huwag ka ngang sumigaw. Baka akalain ng mga kapitbahay n’yo inaano kita." Tumahimik siya. Umaalon ang kanyang dibdib sa hingal at kaba. Binitiwan naman siya ng lalaki kaya agad na napasigaw siyang muli. "Aaaaaaah! Aaaaaaah!"

"Anak ng! I said shut up!" He asked her and covered her mouth again with his hands.

Pumiglas si Maris. Paano kung pangit pala ang lalaking nakayakap sa likod niya? Kasi nga, she was just fantasizing of a greek god, mala-pandesal guy with abs. What if he's mukhang kapre or tikbalang?

Hindi siya papayag na isang kapre o tikbalang lang ang yayakap sa sexy body niya. Over her dead body.

Kahit madiin ang pagkakatakip ng lalaki sa bibig niya ay nagawa pa rin niyang tanggalin ang palad nito. Kinagat pa niya kaya ang lalaki naman ang napahiyaw.

Lumayo agad si Maris at nagtatakbo sa likod ng sofa nila. "Aaaaaah! Ang baho ng kamay mo! Amoy klorox!"

"Sinabi nang, anak ng! Will you stop screaming? Hindi ako masamang tao!" bulyaw ng lalaki hawak ang kinagat niyang daliri.

"Kung hindi ka masamang tao, ano ka? Masamang hayop? O masamang damo? Saka paano ka nakapasok dito? Bakit ka pumasok sa banyo namin?" May hawak nang walis tambo si Maris. Basta nahagip na lang niya iyon kung saan.

"Nakabukas ang banyo kaya pumasok ako!"

"Hindi dahilan iyon!" Dinuro niya ng walis ang guwapong kapre.

"Wala namang nakalagay na occupied," katuwiran ng lalaki.

"Bakit? Kailangan pa ba akong maglagay ng karatula sa pintuan ng banyo na may nakasulat na ‘danger, do not enter?’ Enter ka nang enter, hindi mo naman ito pamamahay, ah!"

"Pinapunta ako rito ni Professor Pulumbarit." Sumeryoso ang mukha ng lalaki. Kataka-takang hindi nagbabago ang hitsura nito. Guwapo pa rin. "He told me to tutor his daughter in Personal Development. Ikaw ba ang anak niya?"

Taas noong sumagot si Maris. "Ako nga!"

His eyes narrowed. Umusli rin ang nguso nito. "Ilan taon ka na?" kunot-noong tanong.

Nakaangat pa rin ang noo ni Maris. "Seventeen going eighteen. Bakit?"

"Sigurado ka ba? Hindi ka pa yata nagkakamens. Bakit mukha ka lang thirteen?"

Nalukot ang mukha ni Maris. At sa oras na iyon —kahit guwapo ang kaharap niya at may nakakapaglaway na katawan— gusto niyang kumatay ng kapre! Iihawin niya at tutuhugin saka niya papapakin! Ew! Hindi niya ma-imagine ang lasa. Kaya huwag na lang kapre. Hotdog na lang. ‘Yong tender at juicy. Gagawin niyang hotdog ang lalaki saka niya tutuhugin at papapakin! Rawr!