Chapter 4

EXCITED at may pagmamayabang na inikwento ni Anastacia sa kaibigang si Carla ang nangyari. Ipinakita niya pa rito ang sandamakmak niyang pera na lilibuhin habang malaking-malaki ang ngisi. Talagang hindi siya nagkamali ng lalaking pinagbentahan ng katawan. Mantakin mong nakatiyempo siya ng bilyonaryo sa isang pipitsuging bar at binigyan pa siya ng isang milyong dolyar? Talaga nga namang bilog ang mundo. Hindi na siya makapaghintay na ipagmayabang sa mga laiterang kaklase niya noong highchool na mukhang mga palaka.

“Bruha, nasaan 'yung diamond ring? Ineechos mo lang ba ako? Baka naman wala talagang madatung na fafa. Hindi kaya miyembro ka na ng budol-budol gang?”

Sinapok niya ang kaibigan. “Gaga!” Inirapan niya pa ang bruha saka siya ngumisi. “Pinapaparesan niya pa kasi nga diamond ring ang binili niya para sa 'kin.”

Suminghap si Carla saka nagtitili habang inaalog ang balikat niya. “Animal ka! Baka naman may kapatid pa siya, bruha!”

“TITA CARLA!!!!”

Natigil sa pagtili si Carla nang pumasok ang anak ng landlady nila na kay sungit. Ang bungal na batang si Baron. As usual ay nandidilat ang mga mata nito na awtomatikong nagningng nang makita si Anastacia. Pinitik naman ng huli ang kaniyang buhok. Crush kasi siya ng batang si Baron.

“Ano na naman, bungal? Pagtitripan mo na naman ako, ha?” namaywang at masungit na tanong ni Carla sa bata.

Agad itong ngumiti at umiling. “Iyong bilat mo nasa labas.”

Bumunghalit ng tawa si Anastacia habang hindi naman maipinta ang mukha ni Carla. “Animal you! Anong bilat? Bastos ka!”

Kumamot ng batok ang batang si Baron. “Totoo naman e.”

Mas lalong lumakas ang tawa ni Anastacia. Tumayo siya at binitbit ang bag niyang puno ng sandamakmak na lilibuhin. Nilapitan niya ang kaibigan saka tinapik sa balikat. “Mauna na 'ko, Carla. Bisitahin ko muna si tatay. Puntahan mo na rin 'yung bilat mo sa labas at baka matutong sa init ng araw.”

Bago pa siya masapak ng malapad na kamay ng kaibigan at nagtatakbo na siya palabas ng apartment. May hagdan pa pababa ang apartment at madadaanan niya ang bahay ng landlady na nasa ilalim lang ng apartment nila ni Carla.

“Aling Beki!” hyper na tawag niya sa landlady na nagsasampay ng panty sa harapan ng bahay.

Tumingin ito sa kaniya nang matalim. “Anong Beki? Vecky! Tarantada ka talaga! Alam mo kaysa insultuhin mo ako ay magbayad ka nalang ng renta niyo sa nakaraang tatlong buwan. Aba, anong akala niyo sa bahay ko? Libre? Ang ingay ingay niyo na nga palagi, delay pa kayo magbayad. Kung hindi kayo—”

Bago pa matapos ang sinasabi ng masungit na Beki—este Aling Vecky ay inabutan na niya ito ng eight thousand pesos. Namilog naman ang mga mata ng matanda saka hinablot ang perang malulutong pa. Binilang nito ang pera saka siya pinaningkitan ng mga mata. “Saan mo ninakaw 'to?”

Sinimangutan niya ang matanda. Akmang babarahin niya ang masungit na babae nang bumaba si Carla kasunod si Baron.

“Hoy, Carla! May tao sa labas ng gate, bilas mo raw siya,” ani Aling Vecky.

Ngumisi si Anastacia samantalang inirapan naman ng mataray na bading si Baron. Bilas naman pala, hindi bilat.

“Sandali at kukuha ako ng sukli mo,” siya naman ang binalingan ng matandang masungit pero dahil galante na siya ngayon ay umiling siya. Mayabang na iling. “'Wag na, Aling Beki. Mayaman na ako ngayon, ano!”

Hinampas ng matanda ang braso niya. Napangiwi naman siya dahil para itong kalabaw. Matanda na pero malakas pa.

“Sinabi nang Vecky, hindi Beki! Lumayas ka na nga!”

Sinimangutan niya ang babae saka nilayasan ang matanda. Dire-diretso siyang lumabas ng gate at naabutan si Carla na nakayuko habang nakaamba ng suntok ang lalaking nakatayo sa harapan nito. Kilala niya ang lalaki, bilas nga 'yon ng kaibigan niya.

“Wala nama akong ginagawang masama—” hindi natapos ni Carla ang sinasabi nang sapukin ito ng lalaki.

Iritadong lumapit si Anastacia at hinila ang kaibigan niya palayo. Natawa naman ang bilas ni Carla.

“Anong ginagawa mo? Tinuturuan ko ng leksyon 'yang bakla mong kaibigan!” singhal sa kaniya ng lalaki.

Inirapan niya ito. “Lumayo na nga siya sa inyo at sinusustentuhan niya ang kapatid mong nabuntis naman ng ibang lalaki pero sa kaniya ipinaako. Ano pa bang gusto niyo?”

Namaywang ang lalaki at sarkastikong natawa. Nang tingnan siya nitong muli ay matalim na ang mga mata nito at umambang sasampalin siya. Agad na napapikit si Anastacia. Sa laki ng palad ng lalaki, tiyak na mahihilo siya.

“Try to lay even a single finger on her and you'll taste what hell is like,” isang baritono at malamig na boses ang nakapagpamulat kay Anastacia.

Suminghap siya nang makita ang isang gwapong lalaking nakatingin ng masama sa bilas ni Carla. Madilim ang mukha nito at nanlilisik ang mga mata, tila isang demonyo na handang pumatay at mamatay para sa dalaga.

“Sino ka naman?” mayabang pa ring tanong ng bilas ni Carla. Pabulyaw itong nagsalita dahilan para mas lalong dumilim ang mukha ni Alessandro.

He clenched his jaw at wala pang isang segundo ay bumagsak sa lupa ang mayabang na lalaki. Tulog ito habang nagdurugo ang ilong.

Anastacia gasped in shock. Tiyak siyang kakailanganin ng lalaki ng opera sa ilong dahil sa inabot nito. Samantala, nakanganga naman si Carla habang tinititigan ang lalaking ngayon ay lumalapit na sa kaibigan niya.

“Bambina, are you okay? Are you hurt? Who is that freak? I saw him harassing you, I will kill him!”

Napalunok si Anastacia. Agad niyang hinuli ang mga pisngi ng binata dahilan para mabaling sa kaniya ang paningin nito na nakapukol kanina sa bilas ni Carla.

“I'm okay, but why are you here?”

Alessandro smiled. “Because I miss you already.”

Hindi na napigilan ng dalaga ang malanding hagikgik. Mahina niyang hinampas ang dibdib ng binata. “Ekew telege!”

Hindi man naintindihan ay mas lumawak ang ngiti ng binata. He grabbed his girl's hands and gently caressed them. He kissed her fingers and spoke, “I wanna spend more time with you, mia bella regina. And I want you to know that our grand wedding will be held two weeks from now, so I'm telling you we will be extra busy for the preparation.”

Muling humagikhik si Anastacia samantalang nandilat naman ang mga mata ni Carla at aling Vecky na lumabas nang makita ang pagdating ng isang magarang kotse. Pareho silang hindi makapaniwala sa kanilang nakikita at talagang pupusta sila na ginayuma ni Anastacia ang gwapo at mayamang lalaki na nasa harapan nila ngayon.

“Oh my Gosh! I can't wait to marry you, honey!” malaswa ang tono ng boses ni Anastacia para kina Aling Vecky at Carla ngunit para kay Alessandro, isang iyong musika na gusto niya palaging marinig.

Akmang hahalikan ni Alessandro ang dalaga nang biglang pumagitna si Baron at sinipa ang pagitan ng mga hita ng binata na ikinagulat ng dalaga at naging sanhi naman ng pagdagundong ng malakas na sigaw ng binata.

Naku, patay! 'Wag naman sanang mabasag— bulong ng isipan ni Anastacia habang nakangiwing pinagmamasdan ang mapapangasawa niya.

~