Eros & Dianne 5

Dianne's POV

MUGTO na ang mga mata ko sa pag-iyak pero hindi pa rin nababawasan ang sakit na nararamdaman ko. Hindi lang ako parang sinampal sa mga sinabi ni Eros kanina, para din akong sinaksak nang paulit-ulir ng kutsilyo sa puso.

"Gusto lang naman kitang makasama. Gusto ko lang iparamdam sa iyo ang pagmamahal ko. I'm sorry... kung alam ko lang na ganito ang mangyayari... sana hindi na lang... sana hindi na lang tayo nagkakilala."

Nasa guest room ako ngayon na katabi lang ng kuwarto namin. Dito ako madalas magkulong sa tuwing nagkakaroon kami ng malaking pag-aaway ni Eros.

Nakaupo ako sa sahig. Ang likod ko ay nakasandal sa pader at yakap ko ang mga tuhod ko.

"Asawa mo pa rin ako."

Napapitlag ako nang makarinig nang malakas na pagsara ng pinto sa kabilang kuwarto. Sandali akong natahimik bago lalong umiyak.

Umalis na naman siya. At hindi ko alam kung kailan siya babalik.

Mag-iisang linggo na akong nakatulala sa nakabukas na balkonahe ng kuwarto namin. Isang linggo na ring hindi umuu