Eros & Dianne 24

Dianne's POV

SIMULA noong ikasal kami, madalas ay dinadalhan ko ng lunch si Eros sa opisina niya. Pero dahil nga sa galit siya sa akin, dedma palagi ang mga luto ko. Kung kinakain niya naman, magagalit muna sa akin bago tikman.

"Hi!"

Bigla siyang napatayo nang makita ang nakasilip kong ulo sa maliit na awang ng pintuan ng office niya.

"May dala akong lunch, para hindi ka na umuwi. Wanna eat together?" Pumasok na ako.

"Ikaw ang nagluto?"

Tumango ako habang lumalapit sa desk niya. Bumalik siya sa pagkakaupo at nakangiting tiningnan ang lunch box na inilabas ko.

"Hindi ka dapat nagpapagod. Kaya nga ako umuuwi tuwing lunch."

"Hindi naman ako napagod. Isa pa, nag-enjoy akong lutuin ang mga paborito mo." Inilabas ko isa-isa ang mga niluto kong ulam.

Napangiti si Eros nang makita ang lahat nang hinanda ko. Doon na kami kumain sa desk niya. Mukhang maganda rin ang mood ni Eros dahil pumayag siyang saluhan ko. In fairness, hindi na nagsusungit.

Abala kami sa pagkain at nagkukuwento rin siya tu