Chapter 11

"Ang kapal ng mukha niya!" Naiiling na nagpabalik-balik ng lakad si Wena sa harap ko.

Nandito kami ngayon sa kaniyang bahay sa Antipolo. Kasama ko si Thalia na kasalukuyang naglalaro habang nanonood ng palabas sa TV.

"After what she did to you? May kapal pa siya ng mukhang humingi ng ganoong pabor? Bitch!"

Nagbuga ako ng hangin habang nakaupo sa sofa. Lumapit siya sa akin at nakapamaywang na tiningnan ako.

"Ikaw, babae ka, huwag na huwag kang magpapaapi sa ipokrita na iyon, ah? Malaman-laman ko lang talaga na inaapi niya kayo, susugod ako roon!"

"Hindi naman talaga ako magpapaapi sa kaniya, pero hindi rin ako maghahamon ng away. Ayaw ko ng gulo."

"Ang dapat sa bruhang iyon, inaaway! Sinasabunutan! Nang magising naman sa katotohanan na kabit lang siya na nang-agaw ng asawa ng iba!"

Tumayo ako at hinila si Wena sa may kusina. Naririnig kasi ni Thalia ang pag-uusap namin.

"Tama ba itong ginagawa ko?"

"Ano na naman iyan? Nagi-guilty ka na naman? Diyos ko, ha? Si Dayana nga, hindi naman na