Axel & Thalia 5

Thalia's POV

NANGINGINIG ang buong katawan ko dahil sa lamig. Nasa isang kuwarto na ako na walang ibang laman kundi malaking kama. Malawak ito pero walang ni isang bintana.

May damit na nga akong suot pero sa nipis nito, kitang-kita pa rin ang katawan ko. Dinaig ko pa ang mga bayarang babae na sumasayaw sa club. Wala pang nangyayari pero pakiramdam ko, binababoy na nila ako.

Bumukas ang pintuan ng silid at pumasok ang isang lalaki. Napatayo ako sa takot. Akala ko noong una, siya ang lalaki kanina sa basement, pero napansin kong maliban sa tangkad at pangangatawan, wala na silang ibang pagkakapareho.

"Uminom ka muna." Lumapit siya sa akin at inabot ang baso.

Maging ang boses nito ay mababa at malumanay. Malayo sa tinig ng lalaki kanina na malalim at parang namamaos. Nakakatakot.

"May lason ba iyan?"

Bumuntonghininga siya. "Wala kaming mahihita sa iyo kung patay ka na."

"Maawa ka naman sa akin. Nag-aalala na sa akin ang mga magulang ko. Maawa na kayo." Umiyak ako sa harap niya.

Ewan ko