FLWMB- 15

CLARISSA

“Ma’am Clarissa, hinahanap po kayo ni sir Rod sa akin. Anong sasabihin ko ma’am?”

“Sabihin mo Elma na hindi mo alam nasaan ako.”

Nag-aalala siyang tumingin sa kalagayan ko. Ilang beses na siyang tinawagan ni Rod para tanungin kung nasaan ako at lagi akong pinagtatakpan ni Elma.

Umalis na ako sa condo ko at tumira kay Ralph. Hindi pwedeng malaman ni Rod na buntis ako dahil natatakot akong maungkat niya kung sino ang ama ng batang dinadala ko. At kapag nangyari iyon, natatakot ako sa possibleng maging resulta.

“Sige po ma’am Clarissa. Ayos lang po ba kayo dito?” ngumiti ako para mapanatag siya. “Inaalagaan naman ako ni Ralph, kaya maraming salamat sa pag-aalala Elma.”

“Sige po ma’am, uuwi na po ako. Babalik nalang po ako dito pagkatapos ko sa shop. May gusto po ba kayong kainin? Bibilhin ko po,” tumingin ako kay Ralph nang taasan niya ng kilay si Elma.

Humagikgik ako. “Wala na Elma, marami namang pagkain si Ralph dito,” sabi ko.

“Right. Anong tingin mo sa akin? Poor?” Ra