Chapter 86

Dumating ang araw at pumayag nga si Anna na sumama sa reunion nila. Kasama si Esteban na para bang hindi talaga galing sa napuruhan na kamay. Siya ang nagmamaneho ng sasakyan habang nasa co-pilot seat naman si Anna. Maaga silang umalis para sunduin si Corinne sa condo nito. Nang makarating sa baba ng building ng condominium, tinawagan na ni Anna si Corinne para pababain na dahil nag-aantay lang sila sa parking lot.

"Is that Flavio?" Lumingon si Esteban nang banggitin ni Anna ang pangalan ng kaibigan. Napangiti ito ng palihim at umiiling. "He's with my friend," dagdag ni Anna. Nagtataka siyang makita ang kaibigan na si Corinne na kasama si Flavio. Alam niya ng magkakilala si Flavio at Esteban dahil nakilala niya si Flavio bilang representative ng Real estate ng mga Desmond at kaibigan ni Esteban ang may ari ng estate.

Nang makita nina Flavio at Corinne ang kotse ni Esteban, sumakay sila sa likod. Hindi makapagsalita si Corinne sa kaibigan dahil nahihiya s