Chapter 90

Naunang lumabas si Flavio sa silid at naiwan si Jeru na hanggang ngayon ay pinagpapawisan pa rin. Hindi niya mawari kung bakit ganoon ang iniisip nila Flavio na traydurin si Esteban, dahil alam niya sa sarili niya na hindi niya kayang traydurin si Esteban, ang taong tumulong sa kanya makalipas ang ilang taon. Kung hindi dahil kay Esteban ay wala siya kung nasaan siya ngayon. Kaya pinapangako niya sa kanyang sarili na hindi siya gagawa ng mga bagay na makakapahamak sa kanya. Kung si Esteban ang dahilan kung bakit siya nabuhay ng matagal na panahon, alam niya rin na si Esteban ang magiging dahilan kung dumating man ang araw na mawala siya sa mundong ibabaw.

Huminga siya nang malalim at inayos ang sarili bago lumabas sa silid. Tinago niya muna ang baril sa private cabinet niya. Nang lumabas siya at bumalik sa convention venue, nakita niyang naroon pa rin sina Jayson at Qwerty, hindi pa rin ito umaalis. Kanina habangg nasa labas ang mag-asawa ay nagtatalo pa sila, gustong gumanti ni Jayson