Chapter 88

Hindi makapagsalita ang lahat nang makita ang lalaking hanggang ngayon ay hindi pa rin tinanggal ang mascara sa kanyang mukha. Nagbulong-bulongan ang iilan. Kilala na ng lahat kung sino ang may-ari ng hotel ngunit hindi pa nila nakikita kung ano na ang mukha ng kanilang dating kaklase na si Jeru.

"Hindi niyo naman sinasabi sa akin na nagsisimula na pala ang party natin." Tumingin siya sa lahat ng tao at huminto kung saan nakatayo si Anna na hawak ang kamay ni Esteban. Tumingin siya sa kamay nilang dalawa at ngumisi. "Magandang gabi, binibining Hadrianna..."

Kumunot ang noo ni Esteban at bumaling ang lahat kay Anna. Dahan-dahang inalis ni Jeru ang kanyang takip sa mukha. Namangha at nagulat ang lahat sa nakitang mukha. Isang magandang lalaki ang bumungad sa kanila.

"Is that really Jeru? Ang dating nerd?" bulong ng babae sa likod. Nagulat sila sa mukha ni Jeru dahil hindi naman ito ang dati niyang mukha. Isa siyang mahinang lalaki at laging nakasuot na ta