Kabanata 11

NGAYON, alam na namin kung sino ang may pakana ng paglusob ng mga armadong lalaki rito sa loob ng mansyon. Walang iba kundi ang mga kalaban ng Daddy ni Ohani sa negosyo.

Natanong din ni Auntie Olla kanina ang tungkol sa aming dalawa ni Ohani ngunit wala pa talaga kaming maayos na sagot kay Auntie Olla. Hanggang ngayon ay confused pa rin ako, ewan ko lang kay Ohani.

Nabanggit din kanina ni Auntie Olla na kaya niya kami pinabalik ng maaga rito sa mansyon ay dahil tuturuan na niyang mag-handle ng business nila si Ohani. Mabuti na rin 'yon dahil kay Auntie Olla lang talaga siya nakikinig. Ako, wala naman akong magagawa dahil asawa niya lang naman ako sa papel at para sa 'kin parang boss ko pa rin naman siya. Sumusunod ako sa mga ayaw at gusto niyang gawin niya sa buhay niya. Hindi ko rin alam kung bakit ako pumayag na maging ganito ang sitwasyon ko ngayon.

“What are you thinking?... Kanina ka pa ba rito?” biglang tanong ni Ohani. Kakalabas lang nito galing sa banyo.

“Iniisip ko ang pagkan