IX. PLANS

November 27, 8:00 AM

Ang buong tao sa Greenville ay balik sa dating nakagawian. Ngunit ngayon ay kapansin-pansin sa mukha ng bawat isa ang takot at lungkot. Ang dating tawanan ay napalitan ng katahimikan. Tila nagbalik ang Grenville sa dating sitwasyon. Five years ago, ganito rin ang Greenville at dahil din iyon sa isang killer. At nakakatakot kung mangyari ulit 'yon ngayon.

"Demi!" nakita ko si Mang Isko na kumakaway sakin. Nginitian niya ako. I know that he's also worried. Five years ago, nasaksihan ni Mang Isko ang mga nangyari dito sa Greenville, at alam kong nag-aalala siya na baka mangyari ulit ang mga iyon ngayon.

"Good morning, Mang Isko," bati ko at pilit na ngumiti.

"Inaantay mo si Brix?" tanong niya.

"Opo. Alam niyo naman pong lagi kong kasabay yun tuwing papasok," sabi ko.

"Ah sige, mauna na ako. Kailangan kong pumunta nang maaga sa chapel para tumulong," paalam niya. Sa isang memorial chapel ibinurol sina Tita Serenity at Ate Sandy. Sa November 30 ay ililibing na rin sila. Nakakalungkot lang dahil ganoon pa ang nangyari sa pagbabalik nila dito. Hindi ko rin tuloy maiwasang mag-alala sa kaibigan kong si Sofia. Matagal niyang hindi nakasama ang nanay at kapatid niya at ngayo'y malabo nang mangyari ang matagal niya ng hinihiling; ang makumpleto silang pamilya.

Maya-maya lang ay narinig ko na ang busina ng sasakyan ni Brix. Huminto siya sa harapan ko at pinagbuksan ako ng pinto.

"Dumaan muna ako sa cafe ni Ms. Belle para bumili ng coffee," kinuha niya yung isang kape at inabot sakin, "Here."

"Thank you," saad ko.

"How's the investigation?" tanong niya.

"Hindi ko naaabutan si dad sa bahay kaya wala rin akong balita," sagot ko. Maagang umaalis si dad at gabing-gabi naman kung umuwi at siguradong hindi ko rin siya matatanong sa mga bagay na iyon.

Naisip kong tumulong sa investigation pero siguradong hinding-hindi papayag sila dad. Well, sino ba naman papayag na tumulong ang isang teenager sa mga kasong katulad nito?

Wait!

Binuksan ko ang bag ko at tinignan ang puting maskara na nasa loob. Ilalabas ko sana iyon ngunit naisip ko na mas mabuti kung nandito rin ang iba naming kaibigan. Kailangan malaman din nila ito.

Napangisi ako.

I just thought of some great plans.

***

Belle's Cafe, 4:30 pm

"Are you sure about this, Demi?" tanong ni Macey. Tumango-tango naman ako.

"May tiwala naman ako sa mga pulis at alam kong ginagawa nila ang buong makakaya nila para mahuli ang killer. Hindi nila tayo papayagan na tumulong sa kanila kaya gagawa tayo ng sarili nating investigation," sabi ko sa kanila.

"This is dangerous. He is a psycho killer and we are just normal students," sabi ni Jayson.

"I know pero para rin naman 'to sa kaligtasan ng buong Greenville," saad ko.

Magiging mahirap ito pero kapag nalaman naman namin kung sino ang killer, babalik ulit ang sigla ng Greenville. At makakamit ng mga Javier ang hustiyang nararapat para sa pamilya nila.

"Paano tayo magsisimula?" tanong ni Macey.

Kinuha ko ang maskara sa bag ko at ipinakita sa kanila.

"San mo nakuha 'yan?" tanong ni Brix na kanina pa tahimik dahil hindi siya sang-ayon sa plano. Kanina niya pa sinasabi na huwag ng ituloy ang binabalak ko at ipaubaya na lang sa mga pulis ang lahat. Pero may nagtutulak talaga sa akin na gawin ito lalo na't isa sa mga kaibigan ko ay biktima rito. Malakas din ang kutob ko na may kinalaman dito ang tumatawag sa akin.

"Nakita ko ito sa entrance ng town hall nang oras na nagkakagulo na ang lahat," sabi ko sa kanila.

"Bakit mo naman dinampot?" tanong ni Macey.

"Wala ba kayong naaalala?" tanong ko sa kanila. Tinitigan nilang mabuti ang mask at parang nag-iisip nang mabuti.

"Oh my God!" saad ni Macey. "Wala akong maalala."

Napabuntonghininga ako. Akala ko naman ay naalala niya na.

"Five years ago, may killer din na gumagala sa Greenville at sabi ng iba ay nakasuot daw ito ng puting mask," sabi ni Jayson.

"Nakuha mo, Jayson! Noong homecoming, pinatay ang pamilya ni Mayor at nakita ko ang mask na 'to," sabi ko.

"Ibig sabihin, ang killer dati at ang killer ngayon ay iisa?" tanong ni Macey.

"Posible. Kaya nga mag-iinvestigate tayo. Kailangan natin malaman kung iisa nga lang sila at kung sino ang nasa likod ng mask na 'to."

"Wait! Wait! Kung siya nga 'yon, bakit naman siya babalik dito?" tanong ni Macey.

Naalala ko yung sinabi no'ng tumawag sakin. He said that it's payback time. At kung iisa nga lang sila, malamang ay bumalik nga siya rito para mapagbayaran ang mga kasalanan namin sa kaniya. Hindi ko lang maintindihan kung ano ang mga kasalanan na tinutukoy niya.

"Demi, bakit tinago mo 'yang mask na 'yan? Pwede yang makatulong sa mga pulis," sabi ni Brix.

Naisip ko rin naman iyon pero...

"Kailangan mong ipakita 'yan sa mga pulis. Ibigay mo yan sa daddy mo," sabi na naman ni Brix.

"Okay! Okay! Basta papayag ka sa plano ko," sabi ko sa kaniya.

Napailing na lang siya dahil sa inis, "Fine."

Napangisi ako. Wala ng atrasan 'to. Lahat kami ay dito lumaki sa Greenville. Hindi man namin naprotektahan dati ang lugar na 'to laban sa pag atake ng killer na iyon, ngayon gagawin namin ang makakaya namin para sa kaayusan ng lugar na 'to at para na rin sa kaibigan naming si Sofia.

Tinignan ko sila isa-isa.

"Are you ready to unmask the killer?"

Tinignan din nila ako. Halata sa mga mukha nila ang takot at pag-aalala. Alam kong natatakot din sila sa pwedeng mangyari pero nandito na 'to. We have to face it.