Chapter 30

DAVE

Nagpakawala muna ako nang napakalalim na buntong-hininga bago sumagot kay daddy matapos ang napakahabang sinabi niya sa akin.

"Dad, huwag naman po kayong ganoon ni mommy. 'Wag n'yo pong alisin sa buhay ko ang babaeng nagpapasaya sa akin kahit papaano," sabi ko sa kanya. "Naiintindihan ko po kayo sa sinasabi n'yo sa akin ni mommy. Hindi ako nagagalit sa inyo na sinasabi n'yo ang bagay na 'yon sa akin ngunit hindi ko lang talaga nagugustuhan na ganoon ang nais n'yong mangyari na maghiwalay kaming dalawa ni Camille na nobya ko. Alam ko naman na hindi na kaming dalawa magkakaanak dahil hindi na siya puwedeng magbuntis pa. Mahal ko po siya. Ayaw ko po siyang saktan. Kailangan natin ng magiging anak namin na sa amin talaga na magiging tagapagmana ng pamilya natin. Kung sa tingin n'yo po ay imposible na ay d'yan po kayo nagkakamali sa inaakala niya. Hindi imposible po 'yon, dad. Posible pong magkaroon kami ng anak na galing talaga sa amin. Gusto ko lang po sabihin sa 'yo na gumagawa p