Chapter 37

DONNA

Kumain na nga kaming dalawa ni Sir Dave nang dinner pagkababa ko. Hinihintay na niya ako doon sa dining room. Kumuha na rin siya ng plato naming dalawa. Medyo nakaramdam ako ng hiya sa kanya dahil sa ginawa niyang 'yon na siya mismo ang gumawa imbis na ako kasi ako ang kasambahay nila.

Wala naman akong nagawa pa dahil ginawa na niya 'yon. Hinayaan ko na lang siya. Kumain na lang kaming dalawa. Tahimik lang ako habang kumakain kami ni Sir Dave. Magkaharap nga kaming kumakain.

Nang makatapos kaming kumain ng dalawa ni Sir Dave ng dinner ay nakita ko na siya ang nagligpit ng pinggan namin. Hindi ko naiintindihan kung bakit ginagawa niya 'yon.

"Sir Dave, ano po ang ginagawa mo? Bakit ikaw po ang gumagawa n'yan? Dapat ako po ang gumagawa ng bagay na 'yan? Ako po ang kasambahay n'yo, Sir Dave," nagtatakang tanong ko nga sa kanya.

Nginitian niya ako pagkatanong ko sa kanya.

"Donna, hayaan mo na akong gumawa nito, okay?" sabi niya sa akin. "Marunong naman ako gumawa ng ginagawa mo ka