Chapter 45

DONNA

"Maging asawa po kaagad?" angal ko sa kanya makalipas ang ilang segundo matapos niyang sabihin 'yon sa akin na baka maging asawa na niya ako. Hindi pa naman nga kami, eh. Nginitian niya ako matapos kong sambitin 'yon sa kanya.

"Oo, Donna. Iyon naman ang puwedeng puntahan ng taong nagmamahalan, 'di ba? Kasalan. Magiging mag-asawa at magkasamang tatanda," nakangising sabi niya sa akin.

Napangiwi ako pagkasabi niya sa akin at nagsalita, "Kahit na po, Sir Dave. Hindi pa nga tayong dalawa, eh. Wala pa po tayong relasyon sa isa't isa kaya paano naman tayo magiging mag-asawa n'yan. Marami pa pong puwedeng mangyari."

Bumuntong-hininga si Sir Dave pagkasabi ko sa kanya.

"Wala pa nga tayong relasyon na dalawa ngunit magkakaroon na soon, Donna. Papunta na doon ang lahat ng 'to. 'Wag ka nang mainip, okay? 'Pag nagkahiwalay na kaming dalawa ni Camille ay puwede na tayong dalawa magkaroon ng relasyon. Alam mo naman kung bakit hindi muna tayong dalawa puwedeng magkaroon ng relasyon sa ngayon,