Chapter 52

DONNA

Ngayon na ang balik ni Sir Dave dito sa Maynila mula sa Cebu. Susunduin siya ni George na best friend nga niya sa airport mamaya kaya nandito na siya sa bahay nila. Tanghali ang flight niya. Makikita ko siyang muli. Kaya maaga akong gumising para maghanda ng lulutuin ko mamaya para sa kanya.

Tumawag siya sa akin kagabi para sabihin na hiwalay na nga silang dalawa ni Ma'am Camille. Wala akong masyadong sinabi sa kanya nang sabihin niya 'yon sa akin. Hindi naman ako natutuwa na malaman ko 'yon. Kahit papaano ay nalulungkot ako sa paghihiwalay nilang dalawa. Wala naman akong magagawa kaya ang hayaan silang dalawa na maghiwalay kung 'yon talaga ang nararapat mangyari sa kuwento ng mga buhay namin.

Sana ay matanggap kaagad ni Ma'am Camille ang katotohanan na wala na silang dalawa ni Sir Dave lalo na ang hindi na siya ang babaeng mahal nito. Sinabi pa ni Sir Dave sa akin na ibebenta na niya ang bahay na 'to para ibalik kay Ma'am Camille ang perang binigay niya sa kanya nang bilhin