Chapter 59

DAVE

Humugot ako nang napakalalim na buntong-hininga bago tuluyang nagsalita sa harapan ng mga magulang ko na hinihintay ang sasabihin ko sa kanilang dalawa. May desisyon na ako at 'yon na nga ang gagawin ko. Sasabihin ko na sa kanila ang tungkol sa babaeng mahal ko at walang iba kundi si Donna. Doon naman patungo ang lahat. Mabuti pa na sabihin ko na sa kanila para matapos na ang lahat ng 'to.

Bahala na talaga. Bahala na kung ano ang mangyari sa amin. Kahit ano'ng mangyari ay ipaglalaban ko si Donna. I'll never leave her. Walang puwedeng maghiwalay sa aming dalawa kahit sino pa man 'yan.

"Gustong-gusto n'yo na po na malaman kung sino ang babaeng tinutukoy ko sa inyo na mahal ko. Hindi na po siguro kayo makapaghintay. Ito na siguro ang tamang panahon para sabihin ko sa inyo ang tungkol sa kanya. Ayaw ko naman po na magsinunggaling sa inyong dalawa dahil alam ko na malalaman n'yo rin ang totoo. Hindi ko po puwedeng itago 'yon o ano pa sa inyo, eh. Kailangan na sabihin ko na po sa inyo