Chapter 31

DONNA

Kakatapos lang namin ni Sir Dave na mag-sex at hindi ko inaasahan na makakatulog kaagad siya. Siguro ay pagod siya kaya nakatulog kaagad siya ngayong gabi na 'to. Ang ginawa ko ay inayos ko ang pagkakahiga niya sa kanilang kama ni Ma'am Camille. Kinumutan ko rin siya para hindi siya lamigin nang todo dito sa loob ng kuwarto nila.

Habang mahimbing na natutulog siya ay pinagmamasdan ko ang kanyang guwapong mukha. Napapangiti ako habang pinagmamasdan ko ito. Hindi naman gaanong kabilis ang tibok ng puso ko. Tamang-tama lang. Wala namang rason para bumilis ang tibok ng puso ko, eh.

Nasa tabi ko lang siya na nakahiga. Ilang minuto ko siyang pinagmamasdan hanggang sa yakapin ko siya nang mahigpit at ipikit ko ang aking mga mata. Crush ko nga siya ngunit habang lumilipas ang mga araw at tumatagal kami sa ginagawa naming 'to ay hindi ko alam kung ganoon pa rin 'yon, eh.

Pakiramdam ko kasi ay hindi lang crush ang nararamdaman ko sa kanya at mas may malalim pa doon, eh, lalo na ngayon