Chapter 29

DAVE

"Sigurado ka na ba na pakakasalan mo talaga si Camille?" tanong ni daddy sa akin habang naglakad-lakad kami sa may garden ni mommy. May mga puno at halaman doon kaya hindi mainit. Pumasok na si mommy sa loob para tulungan ang mga kasambahay namin na magluto ng lunch namin.

Tumigil kami sa paglalakad-lakad ni daddy at bahagyang humarap ako sa kanya para sagutin ang tanong niyang 'yon sa akin. Huminga muna ako nang malalim na buntong-hininga at tumango-tango sa kanya.

"Opo, daddy. Sigurado po ako na pakakasalan ko po siya dahil mahal na mahal ko po siya at wala nang iba pa po," mabilis kong sagot kay daddy.

Sa tanong nga niyang 'yon sa akin ay nararamdaman ko na mauuwi na naman ito sa bagay na hindi ko gustong marinig mula sa kanya. Kahit ganoon ay kailangan ko pa rin na makipag-usap sa kanya ng may galang o respeto. Hihintayin ko lang ang sasabihin niya sa akin kung ano man nga ito. 'Wag ko muna siyang pangunahan sa bagay na 'yon.

"Talaga ba? Hindi na ba magbabago pa 'yon? Siy