CHAPTER 50

“AKALA KO ba mag-jojogging tayo?” Takang tanong ni Tonet nang pumara si Olivia ng taxi.

“Oo nga. . .” aniyang hinila si Tonet papasok sa loob ng taxi na pinara niya, “Duon tayo magjo-jogging sa loob ng subdivision ng k-kaibigan ko para mas safe.  Mahirap kasi dyan sa daan, maraming namamasadang tricycle, baka maaksidente pa tayo.  Manong dun po tayo sa Wackwack ha. . .” aniya habang sinisipat muli ang mukha sa rear view mirror.

“Bakit ba pakiramdam ko may kakatagpuin ka?” puna ni Tonet, “Kanina ka pa conscious na conscious sa muka mo eh. . .”

“Nanalamin lang, me kakatagpuin na kagad? Di ba pwedeng gusto ko lang maging presentable?” irap niya dito.

Nagkibit balikat si Tonet.

Ang totoo, ang lakas ng kabog ng dibdib niya.  Nagbabakasali lang naman siyang magkikita silang muli ni Gabriel.  Kung hindi kasi siya nagkakamali, sa Wackwack subdivision ito nakatira.&n