CHAPTER 15

PARANG wala sa sarili si Olivia habang naglalakad papasok ng classroom.  Iniisip pa lamang niyang mabibisto ng mga kaklase at kaibigan niya ang pinakatago-tago niyang lihim ay para na siyang mamatay sa kahihiyan.

            Napakagat labi siya.  Paanong nalaman ni Gabriel ang kahinaan niya?

            Sa eskwelahang ito, hinahanggaan siya. Inirerespeto.  At hindi siya makakapayag na maglaho ang lahat ng iyon ng dahil kay Gabriel Craig.

            “Hi Olivia,” bati ng isang estudyanteng nakasalubong niya. Tipid na ngiti lang ang itinugon niya sa binata.

            Napansin niya ang pulumpon ng mga babae sa may kiosk na pawang nakatingin sa kanya.  Ang iba’y humahanga, ang iba’y hindi maitago ang inggit sa mga mat