CHAPTER 152

UMIWAS si Olivia ng tingin kay Gabriel dahil pakiramdam niya ay ipagkakanulo siya ng kanyang mga mata, “I’m sorry pero wala na tayong dapat pag-usapan, Gabriel.  Matagal mo nang tinapos ang lahat sa atin, simula nang magdesisyon kang. . .umalis nang walang paalam,” Muli niyang naalala ang lahat ng hirap na pinagdaanan niya.  Wala yatang gabing hindi siya umiiyak sa labis na paghihinagpis.

            Ayaw na niyang maulit pa iyong muli.

            Pakiramdam niya ay unti-unti siyang ibinabaon ng buhay sa hukay.  Kung hindi dahil kay Stacey, malamang ay nagpakamatay na siya sa sobrang sakit ng nararamdaman niya.  Mas lalo na nang malaman niyang nagpakasal na ito kay Arlyn.  God, hindi niya kayang pangalanan ang sakit na naramdaman niya nuon.  Actually, hindi naman nawala ang sakit na iyon.  Hanggang ngayon na