KABANATA 6: The Four Kingdom

Hagan's Point of View

    Ang balyenang nakita ko.

    Hindi kaya...

    "Taglay ng mga simbolong iyan ang apat na kahariang kinabibilangan ng mga nilalang batay sa kung saang elemento sila nabibilang." Pagpapatuloy nito sa pagpapaliwanag na sinabayan ng paglitaw ng kahariang may abuhing watawat sa screen. Ang nilalang na nakaburda sa watawat nito'y isang puting ibon na may mahabang buntot at malawak na pakpak.

    "Aeras. Ang kahariang may pinakamataas na antas sa apat na kaharian. Dahil ito sa taglay na kakayahan at katalinuhan ng mga naninirahan doon. At karamihan sa kanila'y may kakayahang lumipad."

    Isang video ang ipinakita nito kung saan kita ang buong kaharian ng Aeras. At hindi ko maiwasang mamangha sa lugar na iyon.

    Ang kaharia'y naka-pwesto sa matayog at malawak na talampas sa gitna ng nagtataasang kabundukan. Agaw pansin doom ang isang puti at maliit na bersyon ng palasyo tulad ng sa mga Gravesend. Na kinapapalibutan ng mga kakatwang kabahayan at establisyimento na ang iba'y nakatayo sa mas maliliit na kontinenteng nakalutang.

    "May apat na dominanteng lahi ngayon sa Aeras. At sila ang mga Nympa ng hangin, Herpies, Gryffin, Phoenix at ang nilalang na malapit ng mawala... Ang mga Roc. " 

    Napatigil ako sa hulong sinabi nito. Malapit ng mawala?

    "Rocs are near to their extinction. They've been chased by humans like you in your world before. Para gawing baluti at kasangkapan." Usap na naman sa akin ni Andreas na hindi ko na nilingunan.

    Nakakainis, nababasa niya pa rin ang isip ko!

    Kaya naman nanghuhula kong itiniim ang bagang ko't mariing ikinunot ang noo ko. Pinilit kong pawalan ang mga malalakas na boses at memoryang tumatakbo sa akin sa pag-asang maisasarado ko ang isip ko.

    "Excellent, you've learn the matrix of conceiving your thoughts. " Boses pa nito sa bahagyang ikinanlaki ng mata ko. Nagawa ko? Hindi ako makapaniwala!

    Napatuon muli ang atensyon ko kay Nelson at inalala ang iisang bagay na sinabi nila sa akin pati ni Quillon at Andreas. At ito ay ang galit ng mga nilalang ng Gaia sa taong kagaya ko.

    Siguro'y ito ang dahilan. Dahil kinikitil nila at hinuhuli ang mga kakaibang nilalang. 

    Kina-igting ng bagang ko ang isiping iyon.

    Hindi malayong mangyari ang lahat ng kanilang sinabi. Saksi ako sa mga walang pusong maharlika sa mundo namin. 

    Nag-iba ang imahe sa likuran ni Nelson. At ikinatigil ko lang iyon nang makita ang mga nilalang na pinangalanan nito. 

    "Una ay ang mga Nympa o diwata. May iba't-ibang uri ng mga ito sa bawat kaharian. Sila ang mga diwata na presentasyon ng kalikasan. At ang Aeras ay may tatlong uri ng mga ito.  Ang diwata ng ulan, diwata ng hanging amihan, diwata ng paglubog ng araw, at diwata ng mga bituin. "

    Magaganda ang dilag at binata na inilabas ni Nelson sa mga imahe sa kanyang likuran. Nakaputi at may mahaba ang mga itong kasootan na kinakikislapan ng iba't-ibang puting marka sa pisngi batay sa kanilang lahi.

    Simbolo ng ulan sa pisngi ng mga Neppele. Pakurbang tatlong linya ang marka ng mga Auria bilang hangin. Simbulo ng araw sa mga Hesper. At tatlong maliliit na bituin naman ang sa Asparia.

    Ilan sandali lang ay bibong nagtaas ng kamay ang katabi kong pinangalanang si Denzell ni Nelson.

    "Yes, Denzell?" ngiting tanong ni Nelson sa pagaakalang seryoso ito sa leksyon. Akala ko rin. 

    "Marami bang katulad nilang chicks sa Akademia?" Mapangarap nitong ngiti kay Nelson na ikinangiwi ko't ikinabuntong-hininga naman ni Nelson.

    "Pambihira!" Singhal nito ng may kunot na mga noo. "Pero oo, Halos kalahati ng populasyon ng Gaia ay mga diwata galing sa apat na kaharian," walang gana nitong dugtong nito kasabay ng pag-ayos nito sa kanyang salamin at nagpatuloy muli.

"Walang kakaibang kakayahan ang mga Diwata, sila ay simpleng representasyon lamang ng kagandahan ng kalikasan. Ngunit taglay ng mga ito ang kakaibang kutis na hindi tumatanda sa loob ng mahabang panahon." 

    Muling napakunot ang noo ko sa sinabing iyon ni Nelson. Hindi pag-tanda. Naalala ko ang mga bulong-bulungan ng mga kababayan ko sa mga diwatang nahuhuli sa gubat ng kamatayan. Hindi malabong ito ang kanilang dahilan. 

    "Sunod ay ang Griffin. Natural sa mga Griffin ang isilang na may kakambal na hindi nalalayo sa anyo ng mortal. Sila rin lamang ang may kakayahang pasunurin ang isa't-isa. Bagay na sadyang kamangha-mangha sa ganitong nilalang."

    Kakaiba ang anyo ng Griffin na tinutukoy ni Nelson. May ulong agila ang mga ito at may katawang mala leon, bagay na sinasapawan ng malawak nitong mga pakpak na tingin ko'y napakatayog ng nararating. Samantalang ang kambal naman nitong may anyong mortal ay may mga matang kasing talas ng agila katulad ng kanilang kambal.

Pero isang babala ang binitawan ni Nelson sa kanila.  "Madalas ay may mabangis at may hindi magandang paguugali ang lahing ito sa Gaia. Kaya hanggat maari'y huwag kayong lalapit sa kanila." Paalala nito sa amin na mabilis na inungusan ni Denzell at tinanguan ko na naman.

    Sa paglipas ng oras, iba't-ibang nilalang ang ipinakita sa amin ni Nelson.

    Ang lahi ng Herpies, kalahating tao at kalahating ibon. Ang Phoenix, ang taong may kakayahang mag-anyong nagliliyab na ibon. At ang Roc na taong may kakambal na dambuhalang agila na sa tingin ko'y limang beses ang laki sa normal na elepante. Kakaunti na lamang ang bilang ng populasyon ng mga Roc. Madalas ay patay na mga kambal ng mga ito. 

    Ang sumunod na kaharian ay ang Fotia. Ang kaharian ng mga nilalang ng apoy. Sila ang pumapangalawa sa makapangyarihang nilalang sa Gaia dahil sa mga natatangi nitong mga kakayahan. 

    Isang lahi lamang ng diwata ang mayroon sa kahariang ito. At sila ay ang mga Lampads, ang mga diwata ng dagat-dagatang apoy. Pula ang simbulo nito sa pisngi na binabagayan ng pula rin nitong kasootan. Sumunod dito ay ang mga lahi ng mga dragon o mga taong may kakayahang mag-anyong dragon. Ang mga Jinn, malalaking taong may mga matang tila kaluluwa. Ang maliwanag na ibon o ang Fire bird. Ang kapre na may mahabang buhok at hindi mabubuhay nang hindi naninigarilyo. Ang mga Cherufe, o ang taong bulkan. At ang mga Fire Serpent, ang mga taong may kakambal na malaking ahas na may kakayahang bumuga ng apoy.  

    Kadalasan daw sa mga nilalang ng Fotia ay kinatatakutan dahil sa taglay ng mga itong kapahamakan o trahedyang maari nilang magawa sa konting pagkakamali lamang. Kaya naman isa rin sila sa mga ibinibilin sa amin ni Nelson na layuan sa Akademia.  

    Ang sumunod ay ang Nero Kingdom.  Ang kaharian ng mga nilalang ng katubigan. 

    Dinipina niya ang mga nilalang ng Nero na mababait ngunit mapanganib galitin. At hindi maitatangi ang pagkamangha ko sa kanilang mga anyo. 

    May tatlong diwata ang Nero Kingdom. At ito ay ang Haliae, o ang diwata ng tubig. Ang mga Naiads o ang diwata ng ilog. At ang Limonids,  o ang diwata naman lawa. May mga asul namang  simbulo ang mga ito sa kanilang pisngi gaya ng ibang Nympa.  Na binabagayan rin ng asul na kasootan ng mga ito. 

    Ang ibang nilalang ng Nero ay ang mga Hippocamps, ang mga taong may kambal na kabayo ng dagat. At mga nilalang ng tubig na may kakayahang mag-anyong tao kapag sila'y nasa lupa. Ang mga Sirena, Selkies, at Sea serpent.

    At gaya ng Roc ng Aeras Kingdom. May dalawang nilalang din sa Nero ang malapit nang mawala. At ito ay ang Kraken at ang Sea king. Mga dambuhalang nilalang ng dagat na halos wala nang bilang ng populasyon sa Gaia.

    "At ang huling kaharian ay ang Dasos Kingdom. Ang lugar nang mga nilalang ng kalupaan." Ngiting pangunguna ni Nelson na may maliwanag nang mukha. Tila nabuhayan ito sa kanyang ituturo. 

    Ngunit ang sumunod nitong sinabi'y ikinabugnot ko.

    "Madalas marurumi ang nilalang ng Dasos Kingdom. Wala halos kakayahan ang iba kung hindi ang mga pisikal lang nitong lakas. Kaya naman sila ang pinakahuli sa mga kaharian." Buong ngiti pa nitong salaysay na sinagot ko lamang ng walang ganang tingin.

    Hanggang dito ba naman sa maganda nilang mundo'y hindi nawawalan ng diskriminasyon. 

    "May apat na diwata ang Dasos. At ito ay ang mga Dryades, ang diwata ng kagubatan. Meliai, diwata ng kabundukan. Epimelides, ang diwata ng mga ligaw na hayop. At ang Anthousai, o ang diwata ng mga mga halamang namumulaklak."

    Gaya ng mga nauna'y may kayumangi namang tatak ang mga ito sa kanilang pisngi na sumisimbulo ng kanilang pinangangalagaan. May berdeng mga kasuotan at kombinasyon rin ng berde at itim ang kanilang buhok.

    "Ikinagagalak ko namang ipakilala sa inyo ang lahi ng mga Elf. Ang taga-pangalaga ng kagubatan." 

    May mahahabang buhok ang mga Elf. May matutulis itong mga tainga at may tila ugat na marka sa kanilang noo. May desente ang mga itong damit, ngunit simple nga base sa pagpapakilala ni Nelson dito. 

    "Tss. Ang boring." Rinig kong bulong ni Denzell sa tabi ko.  Hindi ko maintindihan.  Kanina nama'y sabik na sabik pa siyang nakikinig, pero ngayo'y parang sinakluban na ito ng langit. 

    May masama kaya siyang karanasan sa mga nilalang ng Dasos?  O ganito lang talagang maliitin ng mga nakakataas ang mga nilalang sa kahariang ito? 

    Nagpatuloy lang naman si Nelson nang hindi marinig ang angal ni Denzell. "Ang sumunod ay ang mga Dwarf. Sila naman ay ang mga nangangalaga sa mga hiyas. Maliliit, pero magagaling sa labanan."

    Halahati lamang ng taas sa tao ng mga Dwarfs. May makakapal ang mga itong kasootan at helmet na tila napakatibay. Kung titignan ay napakalalakas nga ng mga ito batay sa matitikas nitong mga braso. Bagay na kinapapaibabawan ng kanilang matatalas na mga mata.

    "Kaya naman, Denzell.  Huwag na huwag mong papakielaman ang mga hiyas na mayroon sila kung ayaw mo ng gulo. They might look small, but they are indeed terrible." Paalala muli ni Nelson dito. Pero nanatili lang itong nakayuko sa kanyang mesa.

    "What ever, Nels. " Dinig kong bulong nito na sinadya para hindi marinig ni Nelson.

    "Ang sumunod ay ang mga Orc at Trolls. Ang Orc ay ang matatapang na anyo ng mga Elf, mararahas ang mga ito at walang sinasantong nilalang na mangangahas pumutol sa mga puno ng kagubatan. Magaling ang mga ito sa paghawak ng mga sandata. 

"Samantalang ang mga Trolls naman ay ang pinakamaduduming nilalang ng Dasos. Gustong-gusto ng mga ito ang parumihin pa ang kanilang mga katawan. Dahil pinaniniwalaang ito rin ang nakapagpapalakas sa kanila. Ang mga ito'y magagaling din sa labanan, may sandata man o wala."

    Malaki ang pinagkaiba ng mga Orc sa Elves.  May berdeng balat ang mga Orc at matatalas na nakakatakot na mga mata. Kabaligtaran iyon ng desenteng anyo ng mga Elf ang mayroon sila. Marahil ay hindi naman talaga kailangan ang mga magagarang damit sa labanang bumubuhay sa mga ito. 

    Ang mga Trolls naman ay isa't-kalahati ang laki sa mga Orc at Elf. May mga maskuladong katawan ang lahi ng mga ito at may soot-soot na kapirasong damit na makapagpapakita sa napakaganda nilang tindig at katawan. Kalbo ang mga lalaking Trolls, samantalang sabog at kulot naman ang buhok ng mga babae sa lahi ng mga ito. Likas na silang madudungis, pero presentable pa rin ang ityura gaya ng ibang mga nilalang dito. 

    Kung tutuusi'y mas naging marumi pa ako sa kanila sa pagtratrabaho ko sa isang talyer sa mundo namin.  Ang itim na grasang napakahirap tanggalin sa katawan. Pero grasang natatanging daan namin ni Lola para mabuhay. 

    Naglabas muli ng larawan si Nelson sa screen. At sa pagkakataong ito'y napatulala ako sa ganda ng sumunod na mga nilalang. 

    "Ito naman ay ang lahi ng Ent at Earth Wolf.  Ang Ent ay ang mga puno sa anyo nitong tao. Gaya ng mga diwata ay wala rin silang kayang gawin kung hindi ang protektahan ang kanilang mga ka-uri. Pero kapag sila'y nagalit ay kaya nilang lumaki hanggang dalawampong talampakan gaya ng mga puno sa Gaia." 

    Napakaganda ng anyo ng mga Ent.  Hugis tao ang mga ito. May berdeng katawan na tila kakulay ng mga bukirin. May mga sanga-sanga ang mga ito sa katawan at dahon-dahon na nakapagpapakalma pagmasdan. They one of the most beautiful creature I've saw so far. Na talaga namang ikinaluwa ng mga mata ko. Pero ang sumunod na nilalang na binanggit nito'y tila inabangan ko. 

    "At ang Wolves o earth wolves. Ang isa sa pinakamagandang nilalang sa Gaia. Sila ang mga taong may kakayahang mag-anyong lobo. Mataas ang tingin sa kanila ng lahat ng taga Dasos, dahil nirerepresenta nito ang kabuuan ng Dasos Kingdom. Magaling sa labanan ang mga Earth wolf sa anyong tao ng mga ito. Ngunit triple ang panganib na maari nilang madala kapag sila'y nasa tunay nilang mga anyo."

    Ang mga earth wolf sa anyong tao nito'y may maputlang mga balat. May matapang at berdeng mga mata.  Kasama na ang kanilang matingkad at berdeng buhok na nakapagpapadagdag sa ganda ng mga nilalang na ito.

    Ngunit ang sunod nitong mga sinabi'y ikinasinghap ko.

    "Tulad ng Aeras, at Nero may mga malapit na ring nilalang na mawala sa Gaia sa Kaharian ng Dasos. At ang mga ito ay ang mga Fairy at Maiar. " Matapos ay ipinakita ang larawan ng mga nilalang na kani-kanina lang ay nagpakilala sa'kin.

    Huwag mo sabihing...