KABANATA 76

Asiwang-asiwa pa siya habang naglalakad dahil sa swimsuit na panloob. Hindi na niya kailangang itanong kung saan dadalhin ang mga dalang gamit dahil nakikita na niya ang videographer at staff nito. Kasalukuyan ding inaayos ang buhok at makeup ni Chelsea habang nakaupo ito sa ilalim ng beach umbrella. Hinanap agad ng mga mata niya si Kyle. Nakita niya itong kausap ang videographer habang hawak ang paborito nitong camera.

Ibinaba niya ang mga gamit sa tabi ng babaeng nag-utos sa kanya. Hindi pa man siya nakakapagpunas ng pawis sa noo ay may lumapit naman sa kanyang lalaking may hawak ng costume ng isang mascot. 

" Isuot mo ito. Hindi kasi sumipot iyong magsusuot sana nito."

Nagpalinga-linga siya para tingnan kung sino ang kausap nito dahil hindi siya sure kung bakit sa kanya ito nakatingin. Nang wala siyang makitang ibang tao sa malapit maliban sa babae kanina ay alanganing itinuro niya ang sarili.

" Ako po ba ang kausap ninyo?"

" Yes, ikaw nga!