Chapter 15

Salubong ang kilay ni Aldrick habang palipat-lipat ang tingin niya kay Sia at sa lalaking nagpakilalang nobyo nito. Ang lalaki ay titig na titig lamang kay Sia at hindi man lamang siya tinatapunan ng tingin, habang ang babae naman ay halatang aligaga dahil sa hindi inaasahan na pagdating ng panauhin nila na iyon.

Kanina pa sila magkakaharap pero wala maski isa sa dalawa ang nais na magsalita. Kanina pa niya hinihintay ang mga paliwanag ngunit hanggang ngayon ay wala pa rin na nais na mag-umpisa ng usapin. Ito na ang matagal niyang hinihintay na pruweba upang mapatunayan sa lahat, lalo na kay Colton na hindi nga siya ang ama ng ipinagbubuntis ni Sisa, pero bakit iba ang pakiramdam niya sa senaryo nila? 

Ang pagdating ng lalaki na nasa harapan niya ngayon ang siyang magiging susi upang mabisto na niya ang pagkatao ng babaeng sumisira sa kan’ya at gumugulo sa