Bilang Tutor

Pagkatapos magpakilala ni Suzette at makabalik sa upuan nito. Si Luisa na ang susunod na magpapakilala. Tumayo siya at nagpunta sa harapan. Ramdam niya ang titig sa ni Christian na wari'y inaalisa ang kaniyang kilos, nasa likuran kasi ito. Nang nasa harapan na si Luisa, tumayo siya ng tuwid at nagsimula ng magpakilala.

Nagsimula sa kaniyang buong pangalan, tirahan at edad. Habang nagpapakilala, ramdam niya ang matiim na titig nito sa kaniya. Na-cuncious siya bigla sa sarili. mabuti nalang maayos niyang naitawid ang pagpapakilala. Yumuko siya, katunayan na tapos na siya.

"Thank you po," aniya. Ihahakbang na sana niya ang paa pabalik sa upuan ng magsalita si Christian.

"Bakit mo kinuha ang Kursong BSBA, Ms. Serrano?" kuryos nitong tanong. Napalunok siya ng magtama ang kanilang mga mata. He has a tantalizing eyes and thick eyebrows. Napakagat-labi siya.

"Actually, hindi po ito ang course na gusto ko. Pinili ko po ito dahil kailangan lalo at ako ang mamamahala sa kompanya ng aking magulang sa lalong madaling panahon. Masaya naman ako sa kursong ito lalo at kasama ko ang matalik kong kaibigan," sagot niya. Tiningnan niya si Suzette na ngayon ay may matamis na ngiti sa mga labi. Tumango-tango ito.

"Vacant niyo mamaya, hindi ba?" tanong nito.

"Opo, bakit po?"

"Mag-paiwan ka mamaya. May sasabihin ako," anito. Tumango siya.

"Okay sir," aniya at nagtungo na sa kaniyang upuan. Napaisip siya kung ano ang itatanong nito sa kaniya. Sa isiping magkakaharap sila ng silang dalawa lang, bigla siyang nakaramdam ng kaba.

"Sa lahat ng mga classmate natin na nagpakilala, ikaw lang ang tinanong ng ganoon ni sir. Ang haba ng buhok mo, bes!" bulong ni Suzette sa kaniya na may kasamang gigil. Bumaling siya rito at binigyan ng masamang tingin.

"Sira! Kung ano-ano ang iniisip mo!" aniya. Bumulong ulit ito.

"Iba kasi makatitig sa iyo si sir. Parang may something sa titig niya," anito.

Natigilan siya sa sinabi nito. May iba nga ba sa titig nito o binibigyan lang ni Suzette iyon ng malisya? Nang matapos ang lahat sa pagpapakilala. Tumayo s Christian at nagtungo sa harapan.

"So, that's all for today. You can leave now. Good bye, class. Nice meeting you all. See you tomorrow," anito.

"Good bye, sir. Nice meeting you too," sagot ng buong klase. Tumayo si Suzette, kinuha ang bag nito at isinukbit sa balikat. Sinulyapan siya nito.

"Hihintayin kita sa dating tambayan," anito at kinindatan siya. Lumapit ito sa kaniya at bumulong. "Good luck sa pag-uusap niyo. I-chika mo na lang sa akin mamaya."

Kinurot niya ito sa tagiliran. Tumawa lamang ito sa ginawa niya. Nang makalabas na ang lahat at sila na lamang ni Christian ang nasa loob ng silid-aralan, kinuha niya ang bag at lumapit sa mesa nito. Habang papalapit ay kumakabog ng malakas ang kaniyang dibdib. Kukunin na sana niya ang monoblock na nasa isang tabi pero naunahan siya ni Christian.

"Ako na," anito at nginitian siya. Inilagay ni Christian ang upuan sa harap ng mesa nito. Naupo siya roon saka ipinatong ang shoulder bag sa kaniyang kandungan. Naupo naman si Christian sa upuan nito sa mesa.

"Ahm, Miss Avi tells me na ang kahinaan mo ay Math Subject. Tama ba?" tanong nito at pinagsiklop ang mga kamay sa mesa. Kitang-kita niya ang paggalaw ng mga muscles nito sa braso. Gaano ba kadalas ito mag-exercise o mag-gym para ma-maintain nito ang magandang hubog ng katawan? Tumango siya. Oo, mahina talaga siya sa matematika. At ito ang subject na pinakakaayawan niya.

"Yes po. Bakit niyo po natanong?" tanong niya at nakipagtitigan rito. Tumikhim ito at nag-iwas ng tingin.

"Gusto kong i-offer ang sarili ko bilang tutor mo. Payag ka ba na magkaroon tayo ng one on one class? Isang araw sa isang linggo. Kung payag ka lang naman," anito at muling tiningnan siya.

Maganda ang offer nito dahil matututo siya. Oo, mas mapapalapit siya rito pero kung ito ang makakabuti para sa grades niya, tatanggapin niya ang alok nito.

"Okay, sir. Sumasang-ayon ako sa desisyon niyo. Pag-usapan na lang po natin 'yung magiging sahod niyo po kung sakali. Isasangguni ko rin po kasi ito kina dad at mom po," aniya. Umiling ito.

"Hindi ako humihingi ng kapalit. Gusto kitang tulungan, Luisa. Kaya huwag mo ng isipin ang bayad," anito sabay ngiti.

"Pero unfair po iyon, sir. Magpapakahirap kayo na turuan ako tapos wala kayong hihinging bayad? Hindi po tama iyon at hindi ko po tatanggapin na libre lamang ang pagiging tutor niyo sa'kin," pamimilit niya.

Umiling ito at ngumiti. Hindi niya maiwasan na mapatingin sa labi nito na kay-pula. Sh*t! Ano ba itong ginagawa niya? Nagbaba siya ng tingin dahil nakaramdam siya ng hiya. Siguradong nakita nito ang ginawa niya.

"Mali ka dahil hindi ako mahihirapan na tulungan ka. At tiyak na mag-eenjoy ako lalo kung ang tuturuan ko ay mabilis matuto," anito. Nag-angat siya ng tingin para tingnan ito. Ngumiti siya.

"Salamat po pero buo po ang disisyon ko na ibibigay ko 'yung bayad na para sa inyo," aniya sa determinadong boses. Bumuntong-hininga si Christian at tumango. "Okay. Kung iyon ang gusto mo, sige. Ahm, iyon lang ang dahilan kaya pinanatili kita rito sa room. Maaari ka ng umalis," anito.

Tumayo siya at nagpasalamat saka naglakad palabas ng silid-aralan. Nang makalabas, huminga siya ng malalim. Aaminin niya, attracted siya kay Christian. Sino ba naman ang hindi? Pero hanggang doon lang iyon at hindi niya hahayaang lumalim pa iyon dahil mali. Maling-mali.

"Kanina ka pa tulala diyan. Ano ba iyang iniisip mo?" tanong ni Suzette kay Luisa.

Napatingin siya rito. Narito sila ngayon sa isa sa mga paborito nilang tambayan. Sa may ilalim ng puno ng acacia at pasalampak na nakaupo sa nakalatag na tela para hindi sila madumihan. Vacant kasi nila dahil may emergency ang isa sa mga guro na magtuturo sa kanila.

"Tama ba ang desisyon ko na magpa-tutor kay Sir Christian?" she asked out of nowhere. Huli na ng mapagtanto niya ang tinanong niya sa kaibigan. Nabanggit niya kanina na itu-tutor siya ni Christian.

"Ano naman ang mali doon? Atleast matututo ka. Ang bait nga niya dahil inalok ka niya ng walang bayad. Ikaw lang itong mapilit na bayaran ang serbisyo niya," anito.

"Deserve niya iyon. May pera naman kami na pambayad sa kaniya kaya inayawan ko ang gusto niya," aniya.

Para kahit papaano makatulong siya sa mga gugulin nito sa bahay at para makatulong rin sa magulang. Oo, excited siyang makasama ito pero natatakot siya na mas mapalapit rito at maging dahilan para mas lumalim ang paghangang nararamdaman niya. Ipinilig niya ang ulo sa mga iniisip. Dapat ang iniisip niya ay ang matuto hindi ang damdamin na sumisibol sa kaniyang puso. Dapat hanggang crush lang!

"Wait! 'Yung nangyari kanina

Hindi mo pa nasasabi sa'kin. Paano pala kayo nagkakilala ni sir?" biglang tanong nito sa kaniya.

Wala na talaga siyang choice kung hindi ang ikwento rito ang una nilang pagkikita sa Crystal Book Store at ang pagsabay nila ni Christian sa canteen para kumain. Habang nagkwekwento siya, tumitili naman si Suzette.

"Grabe ah, hindi ko akalain na may itinatago ka palang moment niyong dalawa ni sir. Tapos hindi mo man lang sinasabi sa akin. Nakakatampo ka na," anito at sumimangot. Niyakap niya ito.

"Sorry na, nahihiya lang kasi ako mag-kwento," aniya.

"Matitiis ba kita? Eh ikaw lang naman ang kaibigan ko rito. Hindi naman pwede na magtampo ako ng matagal dahil hindi ko kaya," anito. Kumalas siya sa pagkakayakap rito at tiningnan ito.

"Thank you," Goal kasi nila na walang lihiman kaya naiintindihan niya kung magtatampo ito. Tumayo ito at inilahad ang kamay sa kaniya.

"Tara sa library, magbasa-basa tayo," anyaya nito. Tinanggap niya ang nakalahad nitong palad. Pagkatapos tiklopin ang telang ginamit, sabay silang nagtungo sa library.

Nasa Diamond D si Christian at gaya sa Ruby A, nagpakilala rin ang mga estudyante. Masaya siya dahil tinanggap ni Luisa ang alok niya ng walang pag-aalinlangan. Sabagay, willing talaga itong matuto.

Mas mapapalapit siya sa dalaga at mas makikilala niya ito ng lubusan. Kanina, habang nag-uusap sila. Bumaba ang tingin nito sa mga labi niya, nang mga sandaling iyon pakiramdam niya tumigil ang pag-inog ng mundo. Attracted din kaya si Luisa sa kaniya?

Bigla siyang napasulyap sa labas ng mahagip ng kaniyang paningin ang dalawang babaeng naglalakad. Biglang bumilis ang tibok ng kaniyang puso ng makitang si Luisa iyon kasama si Suzette na kaibigan nito. Saan kaya papunta ang dalawa? Sa dulo ay naroon ang library. Malamang doon sila patungo.

"Wait class. Maglabas ng papel at isulat doon kung bakit niyo kinuha ang kursong kinukuha niyo ngayon. May pupuntahan lang ako saglit," aniya.

Tumayo siya at lumabas ng silid-aralan. Binagtas niya ang daan patungo sa library. Hindi niya alam kung bakit niya ginagawa ito. Ano ba itong nangyayari sa kaniya? Bahala na. Nang marating niya ang library, nagtungo siya sa librarian at pumirma.

"Sir Martinez, bakit po kayo nandito?" tanong ng librarian. Pati ba naman iyon tatanungin nito? Aniya sa sarili.

"May kukunin lang akong libro," sagot niya.

Hinanap niya kung nasaan si Luisa. Nakita niya itong tumitingin-tingin sa mga nakahilerang libro sa book shelves na nasa dulo. Naglakad siya palapit rito, inilagay ang mga kamay sa bulsa ng slacks na suot. Nang medyo malayo siya ng kaonti rito, tumikhim siya.

"Ms. Serrano nandito ka pala," aniya. Natigilan ito at bumaling sa kaniya. Hindi talaga nakakasawang titigan ang mukha nito lalo na ang mga matang laging nakikiusap. Ngumiti ito.

"Sir, andito po pala kayo," anito na may ngiti sa mga labi. Lumapit siya ng tuluyan rito.

"Oo, may kukunin lang akong libro. Eh, nakita kita kaya nilapitan kita," aniya.

Tumango ito at muling ibinalik ang atensiyon sa paghahanap ng libro. Naalala niya pala yung sinabi niya noon sa canteen na gusto niyang maging tour-guide ito.

"Pwede ka ba mamayang hapon? Magpapasama sana ako sa'yo na maglibot sa buong unibersidad. May mga ibang departamento pa kasi akong hindi alam. Okay lang ba?" tanong niya.

Bahagyang natigilan ito. Sana pumayag ito. Hindi naman siya nagsisinungaling. Madami pa siyang hindi alam sa unibersidad at saka gusto rin niya itong makasama.