CHAPTER 2

MARY JOY’S POV

Nagpahinga na rin si papa sa kuwarto nila mama. Nagpapaalam naman sa amin sina Sky at Anastasia na umuwi na pagkatapos namin manood ng movie dahil gabi na.

Inayos ko muna ang mga gamit ko na nagkalat sa loob ng kuwarto ko at saka na rin ako nag-ayos sa sarili ko para matulog na. Kailangan maaga ako matulog kasi may pupuntahan pa ako bukas.

Kinabukasan, maaga ako nagising. Naligo na rin ako at nag-ayos sa sarili. Magsimba kasi ako kaya kailangan malinis at mabango.

Pagkatapos ko mag-ayos nakita ko si mama na nagluto ng ulam kaya nilapitan ko siya. Hinalikan ko ito sa pisngi at niyakap ng mahigpit.

“Mama, magsimba muna ako. Hindi pa naman ako nagugutom,” pagpaalam ko sa kaniya.

“Anak, hindi puwede iyan. Kailangan mo kumain bago ka magsimba,” masungit na saad nito kaya napatawa na lang ako ng mahina.

“Mama, kilala mo ako. Hindi talaga ako mahilig kumain sa umagahan,” sambit ko kaya napabuntong-hininga na lang si mama at saka tumigil sa kaniyang ginagawa.

Humarap naman ito sa akin at niyakap ako ng mahigpit sabay halik sa noo ko.

“Basta huwag mo pabayaan ang sarili mo at mag-ingat ka. Hindi ka namin masamahan dahil marami talaga kaming gagawin. Pasensiya ka na.”

“Ma, ayos lang iyon. Huwag kang mag-alala. Oh, siya. Punta na ako, ah? Si papa pala gising na ba?” tanong ko rito.

Isang construction worker si papa habang si mama naman ay isang tindera sa mga karne pero kahit mahilig sa alak si papa hindi naman niya magawang manakit sa amin. Ano lang, para lang siyang bata na mangulit sa amin kaya ako naman mababa ang pasensiya ko kaya palagi na akong naiinis sa kaniya kapag makulit pero mabuti siyang ama pareho sila ni mama kaya mahal na mahal ko silang dalawa.

Ginawa talaga nila ang best nila para sa pamilya namin.

“Oo, anak. Gising na papa mo nasa sala nanood ng TV,” sagot nito kaya ngumiti naman ako at nagpapaalam na lapitan ko si papa.

Nilapitan ko si papa at saka tumabi sa kaniya sabay niyakap siya ng mahigpit at hinalikan ko naman ito sa pisngi. Hindi naman nagulat si papa sa ginagawa ko kasi palagi ko na ito ginagawa sa kanila. Ginagawa ko na talaga ito noong bata pa ako kaya nasanay na sila.

“Papa, magsimba muna ako. Alagaan mo si mama. Huwag ka na uminom ng alak baka mapano ka na naman.” Tinaasan ko siya sa isang kilay ko kaya mahinang napatawa naman ito dahil sa reaksyon ko.

Tumango naman ito at saka ginulo ang buhok ko. Palagi ganito si papa. Palagi niya guguluhin ang buhok ko kahit inayos ko na ito kanina pa. Hindi naman ako nag reklamo. Inayos ko na lang ito.

“Basta mag-ingat ka lang,” nakangiting sambit nito.

Tumango naman ako at saka lumabas na ng bahay. Nagpara na rin ako ng taxi at sinabi ko na rin sa driver kung saan ako pupunta.

Bigla naman may tumawag sa akin kaya kinuha ko ang selpon ko sa bag. Nakita ko ang pangalan ni Sky sa screen. Sinagot ko naman ang tawag nito at saka nagulat ako dahil bigla na lang ito sinigaw ang pangalan ko kaya nagulat ako. Anak ng pating. Bakit ba ito nanggulat? Parang may emergency, eh. Kalokohan.

“Ligaya!” sigaw nito ulit sa kabilang linya kaya bigla ko nilayo ang selpon sa tenga ko.

Ni loud speaker ko na lang ito at hinahayaan ang driver na makinig sa usapan namin. Kung tsismoso siya.

“Huwag ka nga sumigaw. Ang sakit mo sa tenga!” irita kong sabi.

Narinig ko naman ang mahinang pagtawa ni Anastasia sa kabilang linya kaya napataas ang isang kilay ko. Magkasama na naman ba ang dalawa? Napangisi na lang ako.

“Ligaya, may chika ulit ako sa ‘yo pero tungkol naman ito sa inyo ni Nacht. Ganito kasi iyon, hindi mo ba tiningnan ang f******k account mo? Sikat ka na ‘te. Super sikat ka na sa social media dahil sa kagagawan ni Natch. Lintek talaga na babaeng iyon. Super inggit na inggit sa ‘yo,” inis na saad niya sa kabilang linya.

Nagulat naman ako dahil sa sinasabi ni Sky. May gusto lang ako i-confirm.

“Teka lang, ah. I-check ko lang,” turan ko at saka pinatay ang tawag.

Binuksan ko ang f******k account ko. Bumungad sa akin ang isang post na tungkol sa akin. Siniraan ako tapos tiningnan ko ang mga komento puro pa mga masasama at masasakit na salita. Hindi raw ako ang gumawa sa mismong artworks ko tapos si Nacht daw ang tunay na may-ari. Isa siyang sikat na artista at kaklase ko noong highschool. Sikat siya kaya mas maraming naniniwala sa kaniya kaysa akin. Noon pa talaga may galit na ito sa akin at hindi ko alam kung anong dahilan kung bakit.

Nasasaktan ako sa mga nalaman at nabasa ko at saka isa pa sariling gawa ko iyon. So, bakit ko nakawin ang sarili kong gawa? Ay, aba. Ang tindi. Gawa ko pero may ibang umangkin na hindi naman talaga sa kaniya. Grabeng pakulo ‘yan.

“Ma’am, kalma po kayo. Para na kayong sumabog diyan baka madamay pa tayo.”

Bigla ako napatingin sa driver ng bigla itong magsalita. Napatawa naman ako ng mahina dahil sa sinabi niya pero napataas ang isang kilay ko ng may naalala ako. Ay, aba. Ang tsismoso nga!

“Ma’am, kung sa tingin mo po tsismoso ako. Nagkamali ka. Ni loud speaker mo kaya ang selpon mo kaya hindi ko sinasadyang napakinggan ang pinag-usapan ninyo,” wika niya.

Napansin niya yata dahil sa reaksyon ko. Napatango na lang ako rito at tipid na ngumiti.

“Salamat, manong.”

Pinaalala niya ako na kumalma kaya nagpasalamat ako kaya napigilan ang pagsabog ko kasi naman. Gusto kong sumabog dahil sa inis at galit na nararamdaman ko.

“Ah, ma’am. Nandito na pala kayo.”

Tumigil ang taxi kaya napatingin ulit ako sa driver. Binigay ko naman sa kaniya ang 300 pesos.

“Ayan manong at saka huwag mo na po ako suklian. Sa iyo na lang po iyan. Tip ko na rin sa iyo ang sukli,” sambit ko. Ngumiti naman ito sa akin at saka nagpasalamat.

Bumaba na rin ako sa taxi. 260 pesos ang bayad sa taxi tapos sa kaniya na ang 40 pesos. Tip ko na rin sa kaniya iyon dahil nag effort din siya. Nakita kong tiningnan ako ng mga tao na may mga panghuhusgang tingin. Siyempre, dahil sa isyu na naman ito na kumalat. Tiningnan ko naman sila ng masama.

“Anong tingin-tingin ninyo riyan? Ganito na ba talaga ako kaganda para tingnan ninyo ako ng ganiyan?” Nakataas ang isang kilay ko habang tinatanong ko sila. Nagbulungan naman sila. Eh, rinig ko naman.

“Ang hangin. Magnakaw naman.”

“Oo nga.”

Nairip na lang ako at hindi ko na sila pinansin.

“Grabe, ganito na pala ako kasikat? Grabeng Nacht iyon. Siniraan ako sa maraming tao. Ang laki talaga ng galit niya sa akin. Wala naman akong ginagawang masama sa kaniya,” bulong ko sa sarili.

Mas pinili kong hayaan na lang ang isyu na iyon at hindi magpapaapekto kasi hindi naman totoo. Hindi naman ako nag-alala sa isyu. Nag-aalala lang ako baka mabawasan ang magpaggawa sa akin at mawala ang tiwala nila sa pa art commission ko.

May tumawag na naman ulit sa akin. Sino na naman ba ito? Tsk, siyempre sila Sky. Ang kulit. Gusto ko magpa-relax. Na stress ako. Pinatay ko na lang ang tawag. Nakita kong may batang babae lumapit sa akin kaya mediyo nawala ‘yong inis ko.

Binigay sa akin ng bata ‘yong chocolate ice-cream niya habang nakangiti sa akin kaya napangiti na rin ako dahil nakakahawa.

“Ate, you look so stress. Gusto mo ba ng ice-cream ko? Sa iyo na lang po.” Umupo ako para magpantay kami.

Mas lalo niya inabot sa akin ang chocolate ice-cream niya kaya umiling naman ako. Ang bait-bait naman nito. Ramdam ko ang pagka-concern niya sa akin.

“Hindi na. Okay naman ako, baby. Sa iyo na lang iyan. Nasaan pala magulang mo or nagbantay sa iyo? Bakit ka iniwan mag-isa rito?” taka kong tanong sa kaniya.

Ngumiti naman ito sa akin habang kinain ang ice-cream niya.

“Ang bait mo po at maganda pa, Ate. Ang ganda rin ng kulay ng buhok mo. Kulay asul! Ate, may boyfriend ka na ba? Alam ninyo po bagay kayo ng kuya ko,” nakangiting sabi nito.

Lalo akong natawa dahil ang bata pa niya pero may alam na siya sa ganitong bagay. Sa tingin ko nasa 6 years old na siya. At oo, kulay asul ang buhok ko at saka paboritong kulay ko ang asul kaya pinakulayan ko na rin. Hindi naman nag reklamo ‘yong pinagtrabahuan ko.

“Wala pa akong boyfriend, baby. Hindi pa ako handa pumasok sa ganiyang bagay. Halika, hanapin natin ‘yong nagbantay sa iyo baka mapano ka pa rito.” Kinuha ko ang isang kamay niya ngunit nagulat na lang ako ng umiling ito.

“Gusto ko po magpakarga,” nakangusong sabi nito.

Ang lambing at kyut naman ng batang ‘to. Kapag ganito siya siguro mabilis ito makuha ng ibang tao. Sana huwag kasi delikado. Dapat palagi itong may bantay.

Pinunasan ko naman ang labi niya gamit ang isang kamay ko ng makita kong nakalatan ito ng ice-cream. Kinarga ko naman ito at saka hinalikan sa pisngi ng biglang may sumigaw.

“Ibaba mo iyan!” Napataas ang isang kilay ko ng makita ang babaeng nakasuot ng pang yaya. Mabilis ito lumapit sa amin at saka inagaw niya ang bata mula sa akin.

“Magnanakaw ka, ‘no?! Gusto mo isusumbong kita sa pulis?” sigaw na tanong nito.

Nagtinginan sa amin ang mga tao kaya sinamaan ko ng tingin ang babae na mukhang clown. Ang sobrang hard kasi pagka-make-up nito sa mukha. Hindi naman bagay!

“Yaya, hindi naman ako sinasaktan ni ate. Ang bait niya nga po,” sabi ng bata.

Tinaasan ko ng kilay ‘yong yaya pero masama ang tingin nito sa akin.

“Excuse me, clown. I mean ate iniwan ninyo po si baby rito. Wala akong masamang balak sa bata kasi kahit ako mismo mahilig ako sa kanila. May masama bang ako nilapitan ng bata? Next time kasi bantayan mo ng maigi binantayan mo baka sa susunod hindi mo na iyan makita pa. Patay ka sa magulang niyan!” Inirapan ko ang yaya bago umalis.

“See you next time ate ganda!” sigaw ng bata kaya nilingon ko ito at ngitian.

Lumingon naman sa akin ang yaya nito at nakakamatay talaga ang tingin niya sa akin kaya natatawa ako. Nilabas ko ang dila ko para mas lalo siyang maasae. Kita ko na naiinis na ito sa akin. Nasira tuloy ang araw ko, hayst.

Naglakad na lang ako papuntang simbahan. Pagkadating ko sa simbahan pumasok na rin ako. Hindi ko na pinansin ang mga titig nila sa akin. Hindi mawawala ang mga tsismosa at tsismoso. Kapag alam mong wala kang kasalanan, hayaan mo sila at huwag ka ma-bother.

Pagkatapos kong magsimba may balak na akong umuwi kaya naghintay na lang ako ng taxi pero Habang naghihintay ako ng taxi bigla ko naalala ‘yong panunukso sa akin ni Anastasia. Hindi ko alam kung bakit biglang lumitaw iyon sa isip ko at namumula ang mga pisngi ko. Bahala na magtandang dalaga. Ayaw ko pa talaga pumasok sa relasyon dahil hindi pa ako handa. Natakot pa rin ako.

Ang tagal naman ng taxi! Wala kasing masiyadong taxi. May mga taxi naman dumaan pero may sumakay naman kaya tamang hintay na lang ako rito. Tiningnan ko ang orasan at malapit na mag alas-tres. Ang marami kasi rito mga motor pero mas gusto ko taxi kasi mediyo malayo sa amin at para safe na rin. Nag f******k muna ako kaya pagkabukas ko sa f******k account ko mas lumala yata ang isyu.

Nakita ko pa nga ang mga post at comment nila Sky at Anastasia tungkol sa isyu ko. Pinagtanggol nila ako sa mga basher kaya napangiti na lang ako.

Kailangan ko kausapin si Nacht kaya china-chat ko ito sa f******k account ko na mag-usap kami tungkol sa aming dalawa pero dapat sa personal para malinawan. Okay naman sa kaniya at dapat magkita kami sa restaurant na pinagtrabahuan ko kasi may pasok din ako bukas. Sobrang cold at sungit ng awra niya kahit sa chat. Ano bang problema ng babaeng ito sa akin.

Napabuntong-hininga na lang ako at hindi ko na lang iniintindi pa. May nakita na akong taxi kaya pinara ko ito. Kailangan ko ng makauwi baka hinanap na nila ako mama at papa para makahinga na rin ako. Baka alam na nila ‘yong isyu pero alam ko namang hindi nila iyon paniwalaan kasi kilala nila ako.