CHAPTER 1

MARY JOY’S POV

Nandito ako ngayon sa kuwarto. Hindi ako nagmukmok dito, may ginagawa lang talaga akong art commission na sobrang mahalaga sa akin kaya kailangan gawin. Napatigil ako sa aking ginagawa ng may narinig akong ingay mula sa labas kaya lumingon ako sa may pinto. Nakita kong pumasok ang dalawa kong matalik na kaibigan na sina Anastasia Laurel at Sky Elffire.

Hindi na ako magtaka kung bakit sila nandito dahil kapag wala akong pasok sa trabaho. Pupunta sila rito sa bahay para mang-aya ng gala. Nagunahan pa silang dalawa kung sino unang makalapit sa akin ngunit si Anastasia ang unang nakalapit. Niyakap naman niya ako ng mahigpit at nakita ko naman ang reaksyon ni Sky, mukhang na dismaya ito dahil naunahan na naman siya. Napaling na lamang ako at mahinang napatawa, para kasi silang mga bata.

“Kainis naman itong babae na ‘to. Inuunahan pa ako!” inis na saad ni Sky at hinila si Anastasia papalayo sa akin.

“Bwesit ka talagang bakla ka. Ang sakit ng paghila mo. Puwede ka naman sa kaliwa!” sigaw nito at inirapan niya si Sky.

Hindi pinansin ni Sky si Anastasia kaya wala itong magawa. Tumabi na lang siya sa kaliwa ko kung saan wala si Sky habang si Sky naman ay nandito na sa kanan ko at nakakapit na sa braso ko.

Parehas kami ng hilig ni Anastasia ngunit nag-aral pa lamang siya habang ako naman ay nag trabaho na. First year college na si Anastasia at isang fine arts student. Mahal ang tuition fee ng fine arts ngunit hindi sila mahirapan dahil mayaman sila habang ako? Hanggang pangarap lang talaga ako. May trabaho ako at isa akong baguhang waitress sa pinakamalaking restaurant. Kulang naman ang sweldo para sa mga pangangailangan ng buhay kaya naisipan kong mag-art commission para may pangdagdag ng badyet.

Isang 3rd year college at nursing student si Sky. Marami akong baklang kaibigan ngunit si Sky ‘yong pinaka-close ko. Alam niyang hindi ako nagpapa-bully at nagpapatalo pero nandito pa rin siya para ipagtanggol ako sa ibang tao.

“Bakit kayo nandito? Nandito na naman ba kayo para manggulo? Kita ninyo naman na may ginagawa ako kaya hindi ako puwede sa gala,” mahinaon na sambit ko at inalis ang pagkakapit ni Sky sa braso ko.

Inuunahan ko na sila dahil alam ko na ang pakay nila. Wala akong pasok ngayon sa trabaho dahil Saturday pero busy naman ako kasi tinapos ko ang mga nagpapaggawa sa akin. Gagawa ako kapag free time ko at saka isa pa ayaw ko matambakan. Hindi naman ako tatanggap ng mabilisang gawa. Siyempre mas maganda ang resulta kapag hindi mabilis.

“May chika kasi ako sa ‘yo, Ligaya. Itong si Anastasia gumagawa na naman ng gulo kaya napagalitan sa daddy niya kahapon. Ganito kasi iyon, inasar kasi siya nang inasar sa isang kaklase niya tapos itong si Anastasia hindi mapigilan ang galit niya kaya sinipa niya ang patutoy nito sa ibaba,” natatawang kuwento ni Sky habang si Anastasia naman ay sinamaan lang siya ng tingin. “Kaya ayon pinatawag ng magulang ni Anastasia sa principal tapos pinagalitan pa siya sa harap nila ng daddy niya.” Hindi na mapigilan ni Sky mapahalakhak dahil sa kuwento niya, kahit ako natatawa na rin ako dahil nadala ako sa tawa ni Sky.

Matagal na magkaibigan sina Anastasia at Sky habang ako bago ko lang sila naging kaibigan pero nagka-close na kaagad kami. Pareho ang school na pinag-aralan nila kaya alam ni Sky ang mga pinaggawa ni Anastasia. Nagkakilala kaming tatlo dahil tinulungan ako ni Sky ng makitang inaway ako ni Nacht. Isa itong sikat na artista at kaklase ko noong highschool. Naglakad lang ako papauwi galing sa trabaho tapos sa kasamaang palad, nakita ako ni Nacht at doon na ako inaway at iniinsulto. Doon ako nakita ni Sky at tinulungan ako kahit hindi ako nagpapatalo dahil doon naging magkaibigan kami at pinakilala niya ako kay Anastasia.

Hindi naman sila mahirap kaibiganin kaya tingnan mo ngayon naging close ko kaagad sila. May nickname na kaagad sila sa akin.

“Napakatsismosa mo talagang bakla ka,” inis na saad ni Anastasia ngunit inirapan lamang siya ni Sky.

“Kailan ka ba titino, Anastasia? Tingnan mo nga si Sky, alam kong stress na iyan sa ‘yo. Hindi lang nagpapahalata na hindi siya stress at natatawa lang siya sa mga ginagawa mo pero sa loob-loob nag-alala na ‘yan,” pang-aasar ko habang binura ko ang lumagpas sa ginuhit ko.

“Kalibutan ka nga, Ligaya! Bakit parang tinutukso mo kami? Yucks!” Natatawa na lang ako ng makita kong umaktong nasusuka si Anastasia habang nandiri naman si Sky.

Napangisi na lang ako ng may naisip na naman akong kalokohan.

“Anastasia, kailan ang brigada ng kapatid mo?”

Base sa reaksyon niya nagtataka ito sa tanong ako.

“Ha? Baka nakalimutan mong college na si ate, Ligaya. Walang brigada ang college!” natatawang sabi ni Anastasia.

“Ah, wala pala? Akala ko kasi highschool pa ang ate mo kagaya mo. Hindi kasi halatang pang college height ninyo,” nakangisi kong saad.

Napahalakhak naman si Sky dahil sa biro ko habang si Anastasia naman ay napadabog at sinamaan kami ng tingin.

“Teka, araw ko ba ngayon, ha? Araw ko ba sa mga asaran ninyo? Palagi na lang ako. Kainis!”

“Pandak ka kasi. Huwag ka kasi puro selpon at dapat matulog ka nang maaga!” natatawang saad ni Sky at nilabas ang dila nito para asarin si Anastasia. Kumuha ito ng unan at ibabato sana niya ito kay Sky ngunit pinatigil ko silang dalawa dahil baka masira ang ginagawa ko dahil sa likot nila.

“Buti na lang tapos na ako sa ginagawa ko,” nakangiti kong sambit habang nakatingin sa ginagawa ko.

Pamilya ang ginuhit ko. Nalulungkot lang ako dahil sabi ng client iregalo niya raw ito sa namatay niyang kapatid. Gusto niya isama ito sa loob ng kabaong. Ramdam ko ‘yong sakit at kirot ngunit nandoon pa rin ‘yong saya kasi may tiwala sila kaya nagpaguhit sila sa akin.

“Wow, ang ganda talaga ng gawa mo. Ang galing!” manghang sambit ni Anastasia habang si Sky naman ay uma-agree.

Ngitian ko na lang sila. Tumayo ako at saka kumuha ng malaking plastik at binalutan ang malaking canva sabay ko ito dinikit sa pader.

Biglang may kumatok kaya napatingin ako sa may pikto. Nakita ko si mama na may dalang tray at laman ng mga pagkain. Nakangiti pa ito sa amin at nilagay ang tray sa lamesa.

“Ito na ang pagkain ninyo. Enjoy!” Napatingin si mama sa ginagawa kong portrait at kita ko sa mga mata niya ang pagkamangha. Lumapit naman ako rito at hinalikan siya sa pisngi.

“So proud of you, anak,” sambit nito at niyakap ako ng mahigpit sabay halik sa noo ko kaya napangiti ako.

“Maraming salamat dito, Tita!” Pagpapasalamat nila Anastasia at Sky. Tumango naman si mama at saka nagpapaalam na sa amin na lumabas na siya dahil may gagawin pa siya sa baba.

“Ang bait talaga ng mama mo Ligaya maliban sa papa mo,” sabi ni Anatasia pero nakita kong siniko siya ni Sky kaya biglang natauhan ito dahil sa kaniyang sinabi.

Napabuntong-hininga na lang ako at hindi pinansin ang sinabi niya. “Sorry!” sabi ni Anastasia ngunit ngumiti lang ako.

“Dito muna kami Ligaya. Ang boring sa bahay. Sinama ko na lang din si Anastasia. Hindi tayo gagala kasi mag movie marathon na lang tayo rito,” sabi ni Sky sabay higa sa kama kaya tumango ako.

Kinuha ko ang laptop. Tumabi naman si Anastasia sa akin. Pagbukas ko sa laptop. Binuksan ko muna ang f******k ko at nagulat na lang ako ng maraming nag mensahe. Ang iba rito ay gusto magpaguhit at magpapinta. Ni replyaan ko naman ito isa-isa. Pagkatapos nun ay pumunta ako sa newsfeed ko ngunit may bumungad sa akin na bagong news.

May bago na naman daw isang mall tapos ang nag may-ari si Richmond De Guzman. Walang pinakita kahit anumang litrato. Ang pangalan lang mismo nilagay kaya na curious ako sa itsura nito.

“Richmond? Ang sobrang yaman talaga niya!” manghang sabi ni Anastasia.

“Kilala mo siya?” tanong ko sa kaniya habang binabasa ang mga sinusulat sa news.

Namangha na rin ako dahil sa sobrang yaman nito. Sana lahat!

“Oo, kilala ko siya. Isa siyang sikat na billionare at business partner iyan ni daddy! Hindi mo siya kilala? Ayan kasi, sobrang focus mo sa mga ginagawa mo. Alam mo bagay kayo. Gusto mo ipakilala kita sa kaniya?” nakangising tanong nito sa akin kaya sinamaan ko siya ng tingin.

“Manahimik ka Anastasia. Hindi ko nga kilala ang taong ‘yan. Ang mas mabuti pa manood na lang tayo!”

Natatawa naman ito dahil sa tinuran ko kaya iniirapan ko siya at ni log-out na ang f******k account ko saka ko binuksan ang n*****x.

Lumingon ako kay Sky ng mapansin kong sobrang tahimik nito. Tatanungin sana namin siya kung anong gusto niyang panaorin ngunit nakita namin siyang masayang kumakain. Tumingin ako sa tray at nakita kong ubos na ang mga pagkain! Aba, hindi pa nga nagsisimula ang movie marathon.

“Hoy, Sky. Mahiya ka naman sa amin ni Ligaya. Inubusan mo kami!” sigaw ni Anastasia.

Napaigtad naman si Sky dahil sa gulat kaya napatawa na lang kami ni Anastasia dahil sa reaksyon nito. Pagdating kasi sa pagkain ang sobrang takaw nito.

“P-Pasensiya na naubos ko ang p-pagkain dito,” sabi ni Sky habang may pagkain pa sa loob ng bibig nito kaya hindi namin maiintindihan ang sinasabi niya.

“Ano? Hindi na namin maiintindihan ang mga sinasabi mo kaya mas mabuti pa ubusin mo muna iyan bago pa kita masapak,” taas na kilay na sabi ni Anastasia at binalik ang tingin sa laptop.

“Ano bang gusto mo panaorin? Huwag na romance. Nakakaumay na kasi,” sabi ko kay Anastasia.

Napangisi naman ito at saka siniko ako sa tagiliran ko kaya sinamaan ko siya ng tingin.

“Romance na lang. Bahala na kahit maumay ka tapos ang panaorin natin tungkol sa billionaire,” pang-aasar nito sa akin.

Napa-face palm na lang ako dahil sa sinabi nito sa akin. Alam kong inaasar niya ako sa business partner ng daddy niya.

“Tumahimik ka nga!” inis na saad ko rito.

“Gusto mo ba magtandang dalaga?!” Hindi ko pinansin si Anastasia at saka ako pumunta sa kinaroonan ni Sky at tumabi rito. Nakita kong sobrang linis na ng puwesto niya. Isa ito sa nagustuhan ko kay Sky. Sobrang kalat niya kumain pero alam niya responsibilidad niya.

“Sky, ano gusto mong panaorin natin?” tanong ko rito habang namili ng mga magandang panaorin sa n*****x.

“Romance na lang. Gusto ko new category. Mas maganda siguro kapag billionare,” sambit nito.

Narinig ko naman ang pagtawa ni Anastasia kaya napabuntong-hininga na lang ako.

“Okay, fine. Majority wins.” Napaikot na lang mga mata ko at nagsimula ng maghanap ng panaorin namin. May nakita kaming magandang movie at about ito sa billionare kaya pinindot ko ito.

“Ito na lang,” sambit ko.

Magsisimula na sana kami manood ng movie ng biglang may sumigaw galing sa baba. Bigla akong kinakabahan ng marinig ko ang boses ni papa.

Kita ko sa mga mata ng mga kaibigan ko ang pag-alala kaya ngitian ko sila at pinagsabihan na ayos lang ako. Iniwan ko sila sa kuwarto at nagmadaling bumaba. Hindi ko sila pinasunod sa akin baka madamay pa sila. Pagbaba ko nakita ko si papa na nakahiga na sa sahig. Napayukom na lang ang mga kamay ko dahil sa halong-halong nararamdaman.

Mabuti na lang at tulog ito. Lasing na naman siya. Ganito siya tuwing papauwi galing sa trabaho. Palagi siyang lasing. Alam naman niyang may sakit na siya pero hindi pa rin siya tumigil. Pinagpahirapan pa kami.

Nang makita kong pinatayo ni mama si papa ay nilapitan ko sila at tinulungan ko si mama na patayuin si papa. Pinalagay naman ni mama ang isang braso ni papa sa leeg nito.

“Anak, ako na bahala sa papa mo,” mahinaong sambit ni mama ngunit umiling ako.

“Tulungan ko kayo,” malamig na sabi ko at saka ko rin kinuha ang isang braso ni papa at nilagay ko sa leeg ko.

Hindi naman kumibo si mama. Dinala namin si papa sa kuwarto nila. Sana matauhan na si papa kasi ayaw ko na mawala siya sa amin. Bakit niya pinaghirapan kami lalo na’t ang sarili niya pero alam naman natin na ang sarili natin mismo ang makatulong para gumaling kapag may sakit.