Chapter 114.1

BILANG NAPATITIG SI PIERCE sa mga mata nito at kitang-kita niya na puno iyon ng pagkatakot. Sa totoo lang ay buong-buo na ang isip niya sa kanyang gagawin sana rito ngunit bigla na lamang siyang napatigil nang makita niya ang itsura nito. Ang mga basa nitong mga mata na nakatingin sa kaniya ay biglang nagpalambot sa galit na nararamdaman niya. Ilang segundo siyang natigilan at pagkatapos ay biglang napatagis ng kanyang mga bagang at nagmura ng paulit-ulit sa isip niya.

Hindi siya makapagsalita sa labis na pagtataka. Ano bang nangyayari sa kaniya? Hindi siya komportable na makita itong ganuon. Dahil rito ay mabilis siyang umalis sa ibabaw nito at galit na pumasok sa ng banyo.

Samantala, natigilan naman si Serene nang umalis ito sa ibabaw niya at kasunod nito ay narinig niya ang lagaslas ng tubig mula sa banyo. Hindi siya lubos makapaniwala na tumigil ito sa kanyang ginagawa. Halatang-halata naman na sobrang nabalot na ng pagnanasa ang buong katawan nito pero…

Hindi niya lubos maisip ku