Chapter 107.5

PAGKARAAN NG ILANG MINUTO ay binitawan din siya sa wakas ni Pierce. May galit sa mga mata nitong tumitig sa kanyang mga mata. “Hindi ba at sinabi ko na sayo na ako ang magdedesisyon kung kailan ka aalis? Paulit-ulit na lang ba?” galit na tanong nito sa kaniya.

Samantala, naghahabol naman ng hininga si Serene dahil halos maubusan na siya ng hininga kaya hindi siya kaagad nakapagsalita. “Pero nangako ka sa akin noon diba? Bakit ngayon ay hindi mo aminin na umuoo ka sa sinabi kong iyon? Tinatalikuran mo na ba ang salita mo?” tanong niya rito.

“Sino ang tumatalikod sa salita niya?” puno ng pangungutya na tanong ni Pierce sa kaniya. “Kung tama ang pagkakaalala ko ay ang kondisyon mo ay huwag makipagtalik sa ibang babae hindi ba? Bakit, nakipagtalik ba ako sa babaeng iyon?” balik nitong tanong sa kaniya na ikinatahimik niya sandali.

Bigla niyang inalala tuloy ang naging usapan nila noon at tama nga naman ang sinabi nito, iyon nga ang eksaktong sinabi niya at hindi niya lubos akalain na gaga