Chapter 4.1

 Bumukas ang pintuan ng silid na inuukopa ni Naya Faith Sevestre na siyang dahilan upang awtomatiko mapalingon roon si Damielle Astin Villacorda. Mula sa kabubukas na pinto ay lumabas si Naya na nakatapis ng puting tuwalya. Tinutuyo nito ang kanyang buhok gamit ang puting towel. Tila wala itong pakialam sa presenya ng kahit sinuman. Hindi naman naiwasan ni Damielle Astin ang mapalunok nang makita niyang tumulo ang tubig pababa sa dibdib ng babae.

Napatikhim na lamang siya upang mawala ang panunuyo ng kanyang lalamunan. Subalit naging dahilan iyon upang makuha niya ang atensiyon ni Naya Faith.

"Hi, Damie." Gumuhit ang matamis na ngiti sa labi nito. "Please prepare a cup of coffee for me."

Bago makaimik si Damielle ay muli itong nagsalita.

"By the way, if I am not mistaken, Katriss discussed you the rules you need to follow, right?"

"Yeah." Tango niya kahit naguguluhan siya sa tinuran nito.

Ang matamis na ngiti sa labi ng modelo ay unti-unti napalitan ng kapilyahan.

"Rule number one! Huwag na huwag mong pagnanasahan ang fiancee ni Rio Costor."

Napaawang naman ang labi ni Damielle Astin. Tanong niya sa sarili, gano'n ba siya ka-obvious?   Nag-iwas na lamang siya ng tingin dahil sa hiya.

"Anything else for breakfast aside from coffee?" Pang-iiba niya sa usapan.

Mahinang natawa si Naya Faith. 

"Trying to change the topic, huh?" Umiling-iling ito. "Alright, coffee is already enough for me."

Bago pa makaimik ang lalaki ay tumalikod na si Naya pabalik sa kanyang silid.

"Just bring the coffee in my room." Bago ito tuluyang makapasok sa silid ay muli itong lumingon kay Damielle, nasa labi pa rin nito ang pilyang ngiti. "Don't worry, hindi mo ako madadatnan na nakahub*d."

Napailing na lamang si Damielle Astin. Aniya, tila bagong version ng Naya ang kanyang kasama ngayon, bukod sa tila pagiging liberated nito ay kapansin-pansin rin ang pagiging pilya nito. Isang bagay na hindi ugali ng kanyang misis.

Tangan-tangan ni Damielle Astin ang isang tray ng pumasok siya sa silid ni Naya Faith. Agad namang napansin ng babae ang kanyang presensiya. Sandali siya nitong nilingon bago muli nagpatuloy sa pagkukulot sa buhok nito. 

"Pakilagay na lang diyan sa mesa."

"I cooked a scrambled egg with veggies for you. Good diet for a model like you."

Muling napasulyap sa kanya si Naya Faith. Gumuhit ang munting ngiti sa labi nito.

"Great! Mukhang hindi ko na kailangang kumuha ng assistant. Pwede naman yatang all around ang bodyguard ko."

Nang hindi umimik si Damielle ay muli siyang nagsalita.

"Kaya mo naman akong alagaan, right?"

"Oo naman. Sige na, kumain ka na. Tawagin mo na lang ako kapag tapos ka na." Akmang tatalikod na si Damielle Astin nang biglang magsalita si Naya Faith.

"Narinig kita kagabi, Damie." Awtomatikong napahinto si Damielle. Sinamantala naman iyon ni Naya, agad siyang tumayo sa pagkakaupo sa kama at mabilis na humarang sa daraanan ng lalaki. Unti-unting gumuhit sa labi nito ang mapaglarong ngiti dahilan upang makaramdam ng kaba si Damielle Astin. 

Anong narinig nito? Narinig ba nito ang huli niyang winika? Naramdaman kaya nito ang ginawa niyang paghalik.

"Akala mo ba, hindi ko maaalala dahil lang sa lasing ako."

"Ang alin, ma'am?" Pinilit niyang itinago ang kabang kanyang nadarama.

Mahinang natawa si Naya Faith.

"So, bumalik ka na ngayon sa pagiging magalang? Akala mo ba hindi ko naalala na tinawag mo akong Naya kagabi? You also called Rio on his first name."

Kahit papaano ay nakahinga ng maluwag si Damielle Astin. Buong akala niya ay narinig nito ang huli niyang sinabi kagabi. 

"I'm sorry, ma'am. I'll try to be more formal next time."

Naging dahilan iyon upang lalong  lumakas ang tawa ni Naya

"Don't be afraid. Hindi kita isusumbong kay Rio. Actually, it's just fine if you will call me Naya. Pero huwag ka lang magpapahuli sa mga tauhan ni Rio and most especially to him. Baka masibak ka bigla kapag nahuli ka."

Nawala ang ngiti sa labi nito. Unti-unting naging seryoso ang ekspresiyon ng mukha nito.

"Iyon ay kung bibigyan ka pa ni Rio ng chance na mabuhay."

Nangunot ang noo ni Damielle Astin. Kumabog ang kanyang dibdib. Sa tinuran ng babae ay tila ba pahiwatig iyon na alam nito kung gaano kabangis ang lalaking tinuturing nitong kasintahan.

"Noong mag-apply kang bodyguard ko, alam mo ba talaga kung ano ang pinasok mo, Damie?"  Naging malamlam ang mga mata nito. Hindi mawari ni Damielle ngunit tila ba nakakita siya ng concern sa mga mata ng modelo.

"Yes, ofcourse."

“Alam na alam ko.” Ugong ng kanyang isipan.

"Are you sure?"

Hindi umimik si Damielle Astin. Hindi niya alam kung paano niya sasagutin ang tanong ng babae. 

"I heard, dati kang bodyguard. Alam kong sanay ka sa medyo magulong mundo. But you have to be aware na hindi katulad ng dating  amo mo si Rio."

Napalunok si Damielle. Tanong niya sa sarili, ano at gaano kadami ang nalalaman ng babae? 

"What do you mean, Naya? What are you trying to say? Sino ba si Rio Costor maliban sa pagiging businessman?"

Alam niya ang sagot ngunit gusto niyang timbangin kung ano ang nalalaman ng kanyang misis.

"Well, it's not safe for you to know, Damie. Just a piece of advice, habang maaga pa, quit your job now. Rio Costor is a very dangerous man."

"Hindi ako natatakot, Naya. At saka kung totoo 'yang sinasabi mo, bakit ka nasa poder niya ngayon? If he is dangerous, then you're not supposed to be here."

Gumuhit ang ngisi sa mapulang labi ni Naya Faith.

"Oh Damie, you don't know what a desperate woman can do."

Gumuhit naman ang gitla sa noo ng Ginoo.

"Desperate on what?"

Sinalubong ni Naya ang tingin nito. Ilang  sandali niya itong tinitigan bago nagsalita.

"Desperate in love."

Parang umugong iyon ng ilang ulit sa isip ni Damielle. Naramdaman niya ang hapdi sa kanyang dibdib dahil sa ideyang may nabuo nang pagtingin ang misis niya kay Rio.

"Sabihin na lang natin na ginagawa ko ang lahat ng ito dahil sa pag-ibig. Damie, ang taong nagmamahal, handang suungin at harapin ang kahit anuman. Kapag nagmamahal ka, kahit pa kamatayan nakahanda kang harapin."

Tila lalong napiga ang puso ni Damielle. Gano'n na ba katindi ang pag-ibig ni Naya kay Rio na kahit ano ay nakahanda itong gawin?

"Then I will not quit my job." 

Sa tinuran ng babae mas lalo ngayong tumindi ang kagustuhang  niyang mabawi ang kanyang misis. No way! Hindi niya papayagang tuluyang mapunta sa kinamumuhian niyang tao ang pinakamamahal niyang si Naya Faith. 

"If you insist to stay then be mine, Damie. Pledge your loyalty to  me." Humawak si Naya sa kanyang kamay. "Maaasahan ba kita, Damie Vallejos?"

Gumanti ng hawak si Damielle sa kamay ng kanyang misis. Masuyo niya iyong pinisil na para bang sa gano'n paraan ay maiparamdam nito ang wagas niyang pagsinta.

"Lagi mo akong maasahan, Naya. My loyalty is only yours." Puno ng sinseridad, hindi lamang ang tinig nito kundi maging ang mga mata nito. 

"Then from now on, you’re mine. We'll start our secret alliance, Damie."