Chapter 12

Tinawid ko ang espasyo sa pagitan ko at ng bintana ng kuwarto ni Jimin matapos makarinig ng pagbusina sa labas. Nang makita ang papasok na sasakyan ni Kuya Dylan sa gate, nakagat ko ang ibabang labi dahil sa kaba.

Nilingon ko si Jimin na abala sa pagnguya ng chicken sandwich na hinanda ng kasambahay. Bukas rin ang flat screen TV at nanonood siya roon ng local basketball game. Pansin ko ang mahina niyang pagpadyak tuwing nakaka-score ang mga naka-itim na jersey.

Umupo ako sa tabi niya at ngumiwi. “Dito ka muna, ha? ‘Wag ka munang lalabas hangga’t hindi ko sinasabi o hindi kita tinatawag. My eldest cousin just arrived at baka mabatukan ako n’on ‘pag bigla ka na lang magpagala-gala sa labas. I’ll talk to him first, hmm?”

He looked at me and pouted. Maya-maya ay marahang tumango habang kumakain pa rin ng meryenda. I chuckled softly before playing with his hair. Mabuti na lang talaga at nakakaintindi siya kahit