CHAPTER 101 “HIS FATHER’S TEARS”

“PAPA, please,” sumamo ni Joaquin nang makita niya ang kalungkutan sa mga mata ng kanya ama nang lingunin siya nito.

“Alam mong ikaw lang ang mayroon ako, pero bakit mong gawin sa akin ang ganito?” puno ng hinanakit nitong tanong na tila ba hindi nito narinig ang pakiusap niya.

Nagbawi ng tingin sa kanya ang kanyang ama at pagkatapos ay muling nagsalita. Pero sa pagkakataong ito ay lalo lamang nasaktan si Joaquin dahil sa pagkabasag ng tinig nito.

“M-Mahal na mahal kita, hijo. Pero hindi ko naisip kahit minsan na magagawa mo akong tikisin ng ganito,” anitong mabilis na nagpahid ng mga luha habang nasa tinig naman nito ang hudyat na ng pagtatapos ng usapang iyon.

Natigilan si Joaquin habang alam niyang hindi na makikinig ang kanyang ama sa anuman at iba pa niyang gustong sabihin. Kaya labag man sa kalooban niya ay napilitan na nga siyang bumaba ng sasakyan.

Pero bago niya isinara ang pintuan ng kotse ay nilingon muna niya ito. Nakita niyang ang muling pag-agos ng mga luha ng kanyang am