CHAPTER 100 “UNEXPECTED VISITOR”

KATULAD ng sinabi ni Joaquin ay nanatili ito sa bahay kasama niya at ni Callie. Nagkataon rin kasing kahit weekday ay walang pasok noon si Callie sa eskwelahan gawa ng medyo maulan ang panahon kaya suspendido ang klase.

Sa kwarto nila naglagi si Joaquin habang siya naman at si Callie ay nasa sala. Abala nang mga sandaling iyon si Yaya Loring sa paghahanda ng pananghalian nila.

Kasalukuyan silang abala ni Callie sa panonood ng TV nang biglang tumunog ang door bell. Magpo-prisinta sana siya para alamin kung sino iyon pero naunahan siya ni Yaya Loring.

“Sino ang dumating, Yaya Loring?” tanong ni Lara na sandaling sinulyapan ang ginang na noon ay nakatayo sa may pintuan.

Pero iyon lang ang pagkagulat niya nang makita mula sa likuran nito ang isang pamilyar na mukha. Nakatitig ito sa kanya habang wala siyang ibang makitang emosyon sa aura nito maliban sa pagkapoot na siya ring nasasalamin niya sa maiitim nitong mga mata.

“Ah, g-good morning---,”

“Nasaan ang magaling kong anak?”

Hindi na pi