Chapter 155

SAPUL at talagang tinamaan si Louie ng mga binitawang salita ni Zia. Kaya sa halip na kausapin ito ay nanahimik na lamang siya sa puwesto at nagmaneho.

Malapit nang lumubog ang araw ng makarating sila sa bahay. Naunang lumabas sa sasakyan si Zia habang nakasunod si Louie.

Si Maricar na nasa sala kasama ang Nanny ay napalingon. Bahagyang nabigla nang makitang kasama ng anak si Louie.

"Gusto niyang makita ang bata," paliwanag ni Zia kahit wala pa namang tinatanong ang Ina.

Lumapit naman si Louie upang magbigay-galang kay Maricar na hesitant pa nang una.

"Nasa kwarto po si Luiza. Gusto niyo pong puntahan, Sir? Natutulog po siya ngayon," saad naman ng Nanny.

Tumango lang si Louie saka sumunod sa Nanny na patungo sa kwarto ng bata.

Pagkaalis ng dalawa ay nilapitan ni Maricar ang anak. "Akala ko'y si Lindsay ang kasama mo. Dito ba siya maghahapunan?"

"Uuwi rin agad siya, 'Ma."

Tinitigan nang matagal ni Maricar ang anak saka nagtanong, "May nangyari ba?"

Umiling si Zia pero kalaunan ay ikinu