Chapter 152

BINAWI ni Louie ang braso mula sa Ina saka ito hinarap, upang pakinggan ang sasabihin nito.

Makailang-beses na kumurap si Lucia, bakas ang kaba sa mukha. "Pwede bang sa ibang lugar o hindi kaya ay sa mansion na--"

Walang ano-ano ay naglakad si Louie para bumalik sa facility dahil sa huli, sa kabila ng pagbibigay ng pagkakataon ay hindi pala talaga aamin ang Ina.

"Louie!" hiyaw ni Lucia na tinangka pang habulin ang anak at nagawa naman niya itong mapigilan sa damit. Halos magkanda dapa-dapa siya sa pagtakbo. "Inutusan ko lang naman 'yung lalake na bigyan ng gamot si Zia para pabagalin ang pag-recover nito," pag-amin ni Lucia.

Lumingon bigla si Louie dahilan para mahila ang kamay nitong nakakapit sa damit. Muntik nang masubsob sa lupa si Lucia, mabuti na lamang at nagawang masuportahan ang sarili gamit ang kamay. Ngumiwi pa nga nang masaktan sa nangyari.

"Bakit niyo 'yun ginawa?!"

Tumayo nang maayos si Lucia saka galit na hinarap ang anak. "It's for your own good! Dahil alam kong