Chapter 151

TEN MINUTES AGO...

Ay nakatanggap ng tawag si Alice habang papunta sa mall. Ang tawag ay mula sa facility kung nasaan si Zia. Ang sabi ng staff ay bigla na lamang nanghina at nawalan ng malay si Zia.

"Sinusubukan naming tawagan si Mr. Rodriguez pero hindi siya sumasagot kaya sa inyo na po kami tumawag," saad ng staff.

"Okay at susubukan ko siyang kontakin," ani Alice.

Ngunit gaya ng sinabi ng staff ay hindi talaga sumasagot si Louie sa tawag. Dahil madadaanan naman niya ang subdivision bago magtungo sa mall ay dumiretso na siya patungo roon.

Pagdating, wala pa man siya sa mismong entrance ng bahay ay narinig na niyang may kung anong nabasag sa loob kasunod ang tili ng kung sino mang nagmamay-ari ng mga boses.

Pero hindi na mahalaga kay Alice kung anong komusyon man ang nangyayari sa loob dahil higit na mas importante si Zia.

"Sir, kanina ko pa kayo tinatawagan pero hindi kayo sumasagot. Si Ma'am Zia po, may nangyari sa kanyang hindi maganda!"

Napalingon si Louie, ang galit na nararamd