Chapter 109

BUNTONG-HININGA ang naging sagot ni Mia sa tanong ni Zia. At ilang sandali pa ay idinitalye ang nangyari, “Nagtanong ako kung bakit ganoon ang nangyari ngunit walang nakapagbigay sa’kin ng sagot o tamang sabihing ayaw nilang mangialam. Ang mas mabuti pa’y tanungin mo na lamang si Mr. Rodriguez at baka may nalalaman siya.” Pagkatapos ay binuhay ang makina ng sasakyan. “May mga bagay na hindi ko na saklaw na maaaring kaya niya kaya sa kanya ka lumapit, Zia,” payo ni Mia saka tuluyang nagmaneho paalis.

Nanatili sa puwesto si Zia, hindi na gumalaw hanggang sa dumating ang kotse na maghahatid sa kanya pauwi.

Ilang oras ang lumipas ay nakarating na rin sa bahay si Zia habang nakayakap sa brown envelop. Sa halip na pumasok sa loob ay natigilan lang siya sa labas ng pinto, hawak ang doorknob ngunit hindi naman magawang pihitin para buksan.

Kaya nanatili siya sa labas ng bahay hanggang sa hindi na niya namalayan ang oras. Mayamaya pa ay napagdesisyonan na tawagan ang dating asawa.

Sa kabilang