Chapter 108

KINABUKASAN ay nagtungo si Zia sa Rodriguez company para isauli ang jewelry box. May ibang empleyadong bumabati pa rin kahit na hindi na siya asawa ni Louie. Habang ang iba ay pinili na lamang tumingin.

Pagbukas ng elevator ay direkta siyang napatingin kay Alice na nasa table. Lumingon naman ito sa gawi niya at napatayo sabay lapit.

“Anong ginagawa niyo rito, Ma’am?”

“Gusto ko lang sana ‘tong isauli,” ani Zia at inilabas sa dalang bag ang jewelry box.

“Nasa meeting pa si Sir, kaya pwede niyong iwan ‘yan sa table niya.”

“Okay, iiwan ko na lang doon.” Saka dumiretso si Zia sa office ni Louie at iniwan sa table nito ang jewelry box at sa drawer naman ang special key.

Kaagad namang humarang si Alice pagkalabas ni Zia. “Hindi niyo po ba hihintayin si Sir?”

“Hindi na, wala rin naman akong gustong sabihin sa kanya,” ani Zia saka tuluyang sumakay sa elevetor.

Wala na ring nagawa si Alice at hinayaan itong umalis. Makalipas ang halos isang oras ay natapos na ang meeting ni Louie